Kwalejin Kimiyyar Lafiya ta Zamfara dake Tsafe za ta bullo da sabbin tsare-tsare don inganta ayyuka.

Kwalejin Kimiyya da Fasaha ta Jihar Zamfara (ZMSCHST) Tsafe ta bayyana shirin bullo da manufofin karfafa tsarin kwalejojin CSSP don inganta ayyukan kwalejin zuwa tsarin fasahar zamani.

Mukaddashin Shugaban Kwalejin, Malam Jamilu Lawal ne ya bayyana haka a lokacin da yake ganawa da shugabanin gudanarwa da daraktoci da shugabannin sassan da aka gudanar a Tsafe.

A cewar Malam Lawal, hukumar za ta yi nazari kan manufofin da ake da su tare da tsara wata sabuwar hanya ta ci gaban hukumomi.

A wata sanarwa da jami’in yada labarai na kwalejin, Jamilu Sani Tsafe ya fitar, ya bayyana cewa, kwalejin ta riga ta bullo da wani tsari na amfana da fasahar sadarwa ta zamani ba tsabar kudi ba, kuma za ta ci gaba da rungumar fasahar dijital don tabbatar da cewa, kwalejin tana gudanar da ayyukanta yadda ya kamata da kuma cika ka’idojin duniya.

REL/AMINU DALHATU