Jam’iyyar APC Ta Zaɓi Sabbin Shugabanni a Jihar Kano

Daga Abdullahi Jalaluddeen

Jam’iyyar All Progressives Congress (APC) a Jihar Kano ta zaɓi sabbin shugabanni domin jagorantar harkokin jam’iyyar.

Zaɓen, wanda aka gudanar a ranar Talata, ya fitar da Umar Haruna Doguwa a matsayin sabon Shugaban Jam’iyyar na Jiha.

Doguwa ya ajiye muƙaminsa na Kwamishinan Albarkatun Ruwa na Jihar Kano domin tsayawa takarar shugabancin jam’iyyar.

Salisu Maje Ahmad Gwangwazo ya zama Mataimakin Shugaban Jiha, yayin da Farfesa Yusuf Muhammad Sabo Bichi aka zaɓe shi a matsayin Sakataren jam’iyyar na jiha.

Haka kuma, an zaɓi Abdul Adamu Fagge a matsayin Mai Ba da Shawara kan Harkokin Shari’a, tare da Bashir Yusuf Tudun Wuzirci a matsayin Mataimakin Mai Ba da Shawara kan Shari’a.

Kabiru Sule Rogo ya samu muƙamin Ma’aji, yayin da Umar Yusuf Umar ya zama Mataimakin Ma’aaji. An kuma zabi Ma’aruf Abdullahi Garo a matsayin Sakataren Kuɗi, sai kuma Mustafa Muhammad Kalwa a matsayin Mataimakin Sakataren Kuɗi.

Hakazalika,  Dakta Kabiru Hussaini Zawaciki ya zama Sakataren Tsare-tsare, tare da Abdussalam Umar a matsayin mataimakinsa.

Auwalu Abdullahi ya zama Sakataren Yaɗa Labarai, wanda Sani Fata zai taimaka masa a matsayin mataimaki.

Yayin da Bashir Mai Sango ya zama Sakataren Jin Daɗin Mambobi, tare da Garba Hussaini a matsayin mataimaki. Abubakar Salisu zai riƙe muƙamin Mai Binciken Kuɗi, yayin da Nura Muhammad ya zama Mataimakin Mai Binciken Kuɗi.