Labarai
Majalisar Dokokin Kano Ta Tabbatar Da Nadin Kwamishinoni Shida
Daga Khadijah Aliyu
Majalisar Dokokin Jihar Kano ta tantance tare da tabbatar da naɗin mutane shida da aka gabatar domin zama kwamishinoni a Majalisar Zartarwar Jihar.
An gudanar da tantancewar ne yayin zaman majalisar ƙarƙashin jagorancin shugabnta, Jibril Ismail Falgore.
Tantancewar ta biyo bayan wani ƙuduri da Shugaban Masu Rinjaye, Lawan Hussaini, ya gabatar, wanda Shugaban Marasa Rinjaye, Usman Abubakar, ya mara wa baya, domin neman amincewar majalisar ta tantance tare da tabbatar da naɗin mutanen.
Da yake jawabi yayin zaman, Shugaban Masu Rinjaye ya bayyana cewa waɗanda aka tantance sun cika dukkan sharuɗɗan da ake buƙata domin naɗa su kwamishinoni a Majalisar Zartarwar Jihar.
Ya ce majalisar ta gamsu da ƙwarewa da gogewar waɗanda aka tantance, inda ya bayyana cewa wasu daga cikinsu sun taɓa riƙe muƙaman kwamishinoni, yayin da wasu suka riƙe muƙamai kamar shugabancin Hukumar Zaɓe Mai Zaman Kanta ta Jihar Kano (KANSIEC) da sauran muƙaman gwamnati.

Majalisar Dokokin Kano Ta Tabbatar da Kwamishinoni ShidaMajalisar Dokokin Kano Ta Tabbatar da Kwamishinoni Shida
Lawan Hussaini ya ƙara da cewa za a sanar da bangaren zartarwa game da tabbatar da naɗin domin a raba wa sababbin kwamishinonin muƙaman da za su riƙa jagoranta.
Da yake nasa jawabin bayan tantancewar, tsohon shugaban Hukumar Zaɓe Mai Zaman Kanta ta Jihar Kano, Farfesa Sani Lawan Malumfashi, ya jaddada muhimmancin bunƙasa ilimin kimiyya da fasaha, ƙirƙire-ƙirƙire da harkokin kasuwanci domin bai wa al’umma ƙwarewar da za ta taimaka musu wajen dogaro da kansu.
Shi ma wani daga cikin waɗanda aka tantance, tsohon Kwamishinan Lafiya da Muhalli, Aminu Ibrahim Tsanyawa, ya yi alƙawarin yin aiki tukuru domin bunƙasa Jihar Kano da inganta jin daɗin mazaunanta.
Sauran waɗanda aka tantance da suka yi jawabi sun haɗa da mai ritaya Air Commodore Salisu Yusha’u, Mukhtari Ishaq, Ibrahim Namadi da Idris Garba.
Sun bayyana aniyarsu ta bayar da gudummawa wajen ci gaban jihar da kuma inganta rayuwar al’ummarta.
Fassara: Safiyah Abdulkadir
-
Labarai5 days agoJigawa: Grand Khadi Ya Fara Rangadin Kotunan Shari’a
-
Labarai3 days agoNIAS Ta Karrama Namadi Bisa Bunƙasa Harkar Kiwo
-
Labarai6 days agoGwamnatin Kebbi Ta Kammala Shirye-shiryen Tarbar Tinubu
-
Labarai4 days agoGobara Ta Lalata Shaguna 10 A Jihar Kwara
-
Labarai4 days agoShugaban Majalisar Kano Ya Ƙaddamar Da Sabon Ofishin ’Yan Sanda A Rogo
-
Labarai1 day agoINEC Ta Ƙaddamar Da Kwamitin Wayar Da Kai Ga Masu Zaɓe A Kaduna
-
Labarai5 days agoZa a Gabatarda Zaben Kananan Hukumomi a 2027 a Kaduna
-
Labarai2 days agoAn Bukaci Masu Kula da Lafiyar Al’umma Su Rike Ka’idojin Aiki
