Masarautar Hadejia ta Raba Zakkar Kayan Amfanin Gona da Dabbobi a Garin Unik

Daga Usman Muhammad Zaria 

Kwamitin zakka na masarautar Hadejia ya raba zakkar kayayyakin amfani gona da dabbobi da kudin su ya tasamma Naira Miliyan 71 a garin Unik dake gundumar Auyo a Jihar Jigawa.

A jawabin sa, Sakataren kwamitin Malam Isma’ila Garba Barde ya ce kwamitin ya raba zakkar bahunan shinkafa 1,046 da buhunan dawa 192 dari da shanu guda 4 da kuma tumaki 13 ga mabukata.

A jawabin sa, Baban Limamin Masarautar Hadejia Sheikh Yusuf Abdulrahaman ya bayyana Zakka a matsayin daya daga cikin shika-shikan addinin musulunci da ta wajaba akan masu hali.

Shugaban karamar hukumar Auyo, Alhaji Biliyaminu Ahmed Adamu Kafur ya godewa kwamitin bisa jajircewa da Kuma bada lokacin su don ganin ana fidda hakkin Allah.

Ya tabbatar da cewar karamar hukumar zata ci gaba da bada duk wani goyan baya da ake bukata.