Labarai
EFCC Ta Cafke Manyan Motoci 21 Makare Da Kayan Abinci
Hukumar da ke yaki da masu yi wa tattalin arzikin kasa zagon kasa, EFCC, ta cafke manyan motoci 21 makare da kayan abinci da sauran kayayyaki, wadanda za a tsallaka da su kasashen Chadi, da Jamhuriyar Afrika ta Tsakiya da kuma jamhuriyar Kamaru.
A wata sanarwa da jami’in yada labarai da hulda da jama’a na hukumar, Dele Oyewale, ya fitar, ya ce jami’an hukumar shiyar Maiduguri sun cafke manyan motocin a wani samame da suka kai a manyan hanyoyin fita da ke kan titin Gamboru Ngala da Bama a jihar Borno.
Sanarwar ta bayyana cewa, da farko ba a gano kayan abincin ba saboda yadda aka boye su cikin dubara a cikin manyan motocin, sai da jami’an suka zurfafa bincike.
Ya kara da cewa, binciken da aka yi ya nuna cewa, an shirya manyan motocin ne zuwa N’djamena, da Jamhuriyar Chadi, da Jamhuriyar Afirka ta Tsakiya da kuma Kamaru, tare da lura da cewa, kamawar da aka yi za ta taimaka wajen dakile matsalar karancin abinci da masu fasa kwauri a fadin kasar ke haddasawa.
A cewar sanarwar, wadanda ake zargin a sun bayyana sunayensu kuma za a gurfanar da su a gaban kotu da zarar an kammala bincike.
Daga Dauda Iliya
-
Labarai3 days agoIran ta Tabbatar da Kisan Ayatollah Khamenei a Hare-haren Amurka da Isra’ila
-
Labarai4 days agoMajalisar Dokokin Jihar Kaduna Ta Amince da Kasafin Kudin Kananan Hukumomin Jihar na 2026
-
Labarai4 days agoAzumin Ramadan: Shugaban Karamar Hukumar Birnin Kudu Ya Bada Tallafin Kudi ga Marasa Galihu
-
Labarai6 days agoUwargidan Gwamnan Zamfara Ta Kaddamar da Rabon Tallafin Ramadan ga Marasa Galihu
-
Labarai6 days agoWani Bam Kirar Hannu Ya Fashe a Kan Hanyar Gusau Zuwa Funtua
-
Labarai3 days agoBankin Raya Kasashen Afirka Zai Samar da Shirin Bunƙasa Aikin Noma a Jigawa
-
Labarai3 days agoGwamnatin Jigawa ta Gargadi ‘Yan Kwangila Kan Ingancin Abincin Ramadan
-
Labarai3 days agoMasarautar Hadejia ta Raba Zakkar Kayan Amfanin Gona da Dabbobi a Garin Unik
