Labarai
Gwamnatin Jigawa Ta Kaddamar Da Harsashin Ginin Dindindin Na Kwalejin Jinya Ta Hadejia
Gwamna Umar Namadi na jihar Jigawa ya kaddamar da bikin aza harsashin gina rukunin dindindin na kwalejin jinya da ungozoma da ke Hadejia na naira biliyan biyar da rabi domin samar da isassun ma’aikata da kwararru a fannin lafiya.
Gwamnan ya bayyana cewa ingantaccen tsarin kiwon lafiya wani muhimmin alkawari ne da aka yi gabanin zabe wanda aka sanya shi cikin tsare-tsare guda 12 don ci gaban jihar Jigawa baki daya.

Ya ce aikin wanda ya kasu kashi biyu, ana sa ran kammala shi a cikin watanni 18 inda za a kashe naira biliyan 3 da kuma Naira biliyan 2 da rabi bi da bi.
Mallam Umar Namadi ya ci gaba da cewa, gwamnatin sa ta kuma yi niyyar samar da babban asibiti a kowace mazabar majalisar jiha 30 da kuma cibiyar kula da lafiya a matakin farko a kowace gunduma.

Ya ce, wannan kari ne ga asibitocin kwararru da aka kafa a shiyyoyi t3 na jihar.
Namadi ya kuma ce, domin tabbatar da isassun ma’aikatan lafiya, gwamnati ta tura sama da dalibai 109 zuwa kasar Cyprus don yin karatun likitanci, tare da karin karatu a cikin gida.
Ya yi nuni da cewa, akwai kwalejojin aikin jinya da ungozoma guda uku a Birninkudu, Babura, da Hadejia, Gwamnan ya ce yana da kwarin guiwar samun ma’aikatan lafiya kwararru.
Usman Muhammad Zaria
-
Labarai3 days agoIran ta Tabbatar da Kisan Ayatollah Khamenei a Hare-haren Amurka da Isra’ila
-
Labarai4 days agoMajalisar Dokokin Jihar Kaduna Ta Amince da Kasafin Kudin Kananan Hukumomin Jihar na 2026
-
Labarai4 days agoAzumin Ramadan: Shugaban Karamar Hukumar Birnin Kudu Ya Bada Tallafin Kudi ga Marasa Galihu
-
Labarai7 days agoUwargidan Gwamnan Zamfara Ta Kaddamar da Rabon Tallafin Ramadan ga Marasa Galihu
-
Labarai4 days agoBankin Raya Kasashen Afirka Zai Samar da Shirin Bunƙasa Aikin Noma a Jigawa
-
Labarai6 days agoWani Bam Kirar Hannu Ya Fashe a Kan Hanyar Gusau Zuwa Funtua
-
Labarai1 day agoGwamna Namadi Ya Raba Tallafin Ramadan ga Ma’aikata da Marasa Galihu
-
Labarai3 days agoGwamnatin Jigawa ta Gargadi ‘Yan Kwangila Kan Ingancin Abincin Ramadan
