Shugaba Tinubu Ya Rantsar da Taiwo Oyedele Ministan Kudi

Daga Bello Wakili 

Shugaban Ƙasa Bola Ahmed Tinubu ya rantsar da Taiwo Oyedele a matsayin  Minista a Ma’aikatar.

An gudanar da bikin rantsarwar a Fadar Shugaban Ƙas, inda Shugaba Tinubu ya taya sabon ministan murna, tare da bayyana kwarin gwiwarsa kan cewa zai  taimaka wajen aiwatar da manufofin gyaran tattalin kasa.

Shugaban ƙasar ya yaba wa Oyedele kan rawar da ya taka wajen jagorantar kokarin gyara tsarin haraji na Najeriya, inda ya bayyana cewa tsohon tsarin harajin ƙasar ya tsufa kuma yana bukatar sabuntawa domin ya taimaka wajen bunƙasa tattalin arziki da kuma tabbatar da gaskiya da rikon amana.

A nasa jawabin, sabon Ministan ya gode wa Shugaban ƙasa bisa amincewar da ya nuna masa, yana mai cewa damar da aka ba shi ta yi wa ƙasa hidima babbar abar alfahari ce.

Ya kuma tabbatar wa ‘yan Najeriya cewa zai ba da dukkan ƙoƙarinsa wajen gudanar da aikinsa, yana mai cewa manufofin kudin gwamnati za su mayar da hankali kan ƙarfafa tattara kudaden shiga, inganta yadda ake kashe kuɗi, da kuma tabbatar da dorewar tattalin arzikin ƙasa.