Jirgin Farko Na Alhazan Najeriya Ya Sauka Birnin Kebbi Da Yammacin Asabar

Rukunin farko na alhazan jihar Kebbi, ya sauka  filin jirgin saman Ahmadu Bello da ke Birnin Kebbi da yammacin Asabar.

Jirgin mai suna flynas da ya taso  daga filin jirgin sama na Sarki Abdul-Aziz da ke Jidda, ya sauka Kebbi ne da misalin karfe 9 da minti 42 na dare tare da alhazai 410 ciki har da jami’an hukumar jin dadin alhazai ta jihar.

Dukkanin mahajjatan suna cikin koshin lafiya sai dai wasu da suke fama da mura sakamakon shan abubuwa masu sanyi davoda da matsanancin zafi da sanyi da tari suka shafa sakamakon shan ruwan sanyi da na’urar sanyaya iska a lokacin da suke kasa mai tsarki.

Kashi na farko da suka isa Najeriya su ne na farko da aka fara jigilar su daga Najeriya zuwa Saudiyya a ranar 15 ga watan Mayun 2024 a yayin kaddamar da jirgin da mataimakin shugaban kasa Kashim Shattima ya yi a Birnin Kebbi, jihar Kebbi.

Abdullahi Tukur