Gobara Ta Lakume Kayayyaki Na Miliyoyin Naira A Kano

Wata gobara da ta tashi da tsakar dare ta lalata sama da shaguna 50 da kadarori da kudin su ya kai naira miliyan 150 a kasuwar ‘yan katako da ke Rijiyar Lemuo a karamar hukumar Fagge ta Kano.

Da yake zantawa da manema labarai shugaban kasuwar Alhaji Mamuda Musa Abdullahi ya bayyana cewa gobarar ta tashi ne da misalin karfe daya na daren Lahadi.

Ya yi nuni da cewa, gobarar ta kona sama da shaguna 50 da ke dauke da katako, da kumfa, da injin fkujeruda kujeru da sauran kayayyakin aiki.

Alhaji Mamuda ya ce har yanzu ba a kai ga gano musabbabin faruwar lamarin ba.

Shugaban kasuwar ya yabawa hukumar kashe gobara ta jihar Kano bisa gaggauta daukar matakan dakile gobarar.

Ya kuma yi kira ga gwamnati da masu hannu da shuni da su tallafya’yan kasuwar da lamarin ya shafa.

Daga Khadijah Aliyu