Gwamnatin Jigawa Ta Bada Kwangilar Hanyar Kiyawa Zuwa Birnin Kudu

Gwamnatin jihar Jigawa ta ce za ta bayar da kwangilar aikin sake gina titin Kiyawa zuwa Birnin kudu.

Gwamna Umar Namadi ya bayyana hakan a lokacin da ya kai ziyarar duba hanyar.

Gwamnan ya nuna rashin jin dadinsa da jinkirin da ake yi na gyaran hanyar da kuma sake gina magudanan ruwa a hanyar da aka bayar a bara.

Don haka Mallam Umar Namadi ya yi kira ga dan kwangilar da ke gudanar da aikin da ya gaggauta daukar mataki tare da kammala aikin kamar yadda aka tsara.

Gidan Rediyon Najeriya na Kaduna ya ruwaito cewa, Gwamnan ya kuma kai ziyarar gani da ido kan aikin titin Shuwarin, Wurma, Abaya da kuma Chamo zuwa Isari da ake yi.

Ya kuma ziyarci makarantar firamare ta Shuwarin Yamma da cibiyar kula da lafiya a matakin farko inda ya tattauna da malamai da ma’aikatan lafiya kan yadda za a tabbatar da ingancin aikin.

KARSHE/USMAN MZ/Wababe