Gwamnatin Bauchi Za Ta Biya Kashi 50 Na Cikon Kudin Aikin Hajji

Gwamnan Jihar Bauchi Bala Muhammad ya amince da biyan kashi hamsin bisa dari na cikon kudaden aikin Hajjin 2024 ga Alhazan jihar.

Hakan ya biyo bayan sanarwar da Hukumar Alhazai ta Najeriya NAHCON ta yi, na karin Nera Miliyan daya da dubu dari tara da goma sha takwas,  kan  Nera Miliyan hudu da dubu dari shida da suka biya a baya.

A don haka ne gwamnatin jihar Bauchi karkashin jagorancin Gwamna Bala Muhammad ta kudiri aniyar bada tallafi ga Alhazan jihar, inda za a biya wa kowani maniyyaci Nera dubu dari tara da hamsin da tara.

Gwamnan ya amince da a biya Nera Miliyan dubu biyu da dari daya da casa’in da shidda domin tallafawa maniyyatan jihar su dubu biyu da dari biyu da casa’in.

Safiyah Abdulkadir