Shugaba Tinubu Ya Amince da Sake Kafa Kwamitin Hukumar Kula da Wutar Lantarki

Daga Bello Wakili 

Shugaban Ƙasa Bola Ahmed Tinubu ya amince da sake kafa Kwamitin Hukumar Kula da Wutar Lantarki ta Ƙasa (NERC), bayan Majalisar Dattawa ta tabbatar da mambobin kwamitin a ranar 16 ga Disamba.

Mambobin sabon kwamitin sun haɗa da: Mulisiu Olalekan Oseni a matsayin Shugaba, da Yusuf Ali a matsayin Mataimakin Shugaba.

Sauran mambobin sun hada da Mista Nathan Rogers Shatti Kwamishina, Mista Dafe Akpeneye Kwamishina, Aisha Mahmud Kanti Bello Kwamishina, Dokta Chidi Ike Kwamishina, da Dokta Fouad Animashaun Kwamishina.

Shugaba Bola Ahmed Tinubu ya yi kira ga mambobin kwamitin NERC da su zurfafa tare da ƙarfafa sauye-sauyen da ake yi a ɓangaren wutar lantarki na Nijeriya, bisa bin doka da dokar Wutar Lantarki ta 2023.