An shawarci Musulmi da su kula da maganganunsu tare da tabbatar da cewa suna faɗar gaskiya a kowane lokaci.

Limamin Masallacin Darul-Khair da ke Ilorin, Jihar Kwara, Imam Abdulmumini Abdulrafiu-Onilaru ne ya yi wannan kira a yayin hudubar Juma’a.

Ya bayyana cewa mutane da dama na amfani da maganganunsu wajen jawo wa kansu da kuma wasu cutarwa.

A cewarsa, kasancewar ana cikin watan Rajab, ana sa ran Musulmi za su fara shirya kansu tun yanzu domin tunkarar watan azumin Ramadan.

Imam Abdulrafiu-Onilaru ya shawarci Musulmi da su rungumi dabi’ar aikata alheri a kowane lokaci, domin samun lada mai kyau daga Allah.
ALI MUHAMMAD RABIU