Connect with us

Kasuwanci

Sabuwar Dokar CBN: Nawa Za a Iya Cirewa a ATM da POS?

Published

on

Yanzu ƴan Najeriya za su iya cire naira 100,000 ta na’urar cire kuɗi ta ATM a rana, haka ma abin yake a ɓangaren cire kuɗi ta na’urar POS.

A ɓangaren ma’aikatu kuma, za su iya cire kuɗi har naira miliyan biyar ne a duk mako.

Wannan na ƙunshe ne a cikin sabbin tsare-tsaren da Babban Bankin Najeriya CBN ya fitar bayan garambawul da ya yi kan dokokin cire kuɗi ta na’urar ATM da POS a Najeriya.

Bankin ya ce wannan sabuwar dokar za ta fara aiki ne daga ranar 1 ga watan Janairun shekarar 2026.

A cikin wata sanarwa da daraktan tsare-tsare na bankin, Dr Rita Sike ta fitar a ranar Talata 2 ga watan Disamba, ta ce babban bankin ya yi gyara ne a kan dokokin kuɗin da za a iya cirewa.

Amma idan mutum ya cire kuɗi sama da ƙa’idar da aka ƙayyade a mako, mutum zai biya wani adadi na kuɗin.

Ya kamata ƴan Najeriya su fahimci cewa ida suka shiga cikin banki suka cire naira 100,000, shi ma yana cikin kuɗin da suka cire a rana.

Hakan na nufin za a ƙirga shi a cikin kuɗin da mutum ya cire a makon, kamar ya cire ta ATM ko POS.

Me ya sa aka yi canjin?

Kamar yadda sanarwar ta nuna, an tsara tsohuwar dokar ce domin rage ta’ammali da tsabar kuɗi da magance matsalolin tsaro da ma daƙile sama da faɗi da kuɗaɗe da sauran abubuwan da ake tunanin ba su da sauƙi sai da tsabar kuɗi.

Sauran dokokin sun haɗa da:

Cire kuɗi mai yawa – Idan ka cire kuɗi sama da adadin da ƙayyade, za ka biya kashi uku, idan kuma ma’aikata ce za ta biya kashi biyar na kuɗin.

Amfani da takardar karɓar kuɗi a banki – Idan ka tura wani da takardar karɓar kuɗi wato ‘check’, shi ma za a ƙirga a cikin adadin kuɗin da ka cire a mako.

Yadda aka fara dokar

A watan Disamban 2022 ne babban bankin Najeriya ya sanar da cewa daga ranar 9 ga wata Janairun 2023, ɗaiɗaikun mutane ba za su cire kuɗi sama da naira 100,000 ba, ma’aikatu kuma naira 500,000.

Sannan a lokacin bankin ya ce adadin kuɗin da za a iya cirewa ta na’urar POS shi ne naira 20,000.

Haka kuma a lokacin bankin ya ƙayyade cewa ƙananan takardun kuɗi irin su naira 200 zuwa ƙasa ne za a riƙa sakawa a ATM.

Bankin ya fitar da tsare-tsaren ne bayan fitar da sababbin takardun kuɗi a Najeriya.

Idan mutum zai cire sama da adadin, zai biya kashi biyar, ma’aikatu kuma za su biya kashi 10.

A baya, kuɗin da mutum zai iya cirewa ta na’urar ATM naira 100,00 ne a mako, amma mutum naira 20,000 kawai zai iya cira a kullum, amma a POS kuma, naira 20,000 kawai za a iya cirewa.

Labarai

Labarai3 days ago

Jigawa: Hukumar Jin Dadin Alhazai Ta Kafa Kwamitin Tantance Bayanan Maniyyatan 2027

Daga Usman Muhammad Zaria Hukumar Jin Dadin Alhazai ta Jihar Jigawa ta ƙaddamar da wani kwamiti da zai tattara, tare...

Labarai4 days ago

Gwamnan Kano Ya Mika Sunayen Sabbin Kwamishinoni 2 Ga Majalisa Domin Tantancewa

Daga Khadijah Aliyu  Gwamnan Jihar Kano, Abba Kabir Yusuf, ya zaɓi mai magana da yawunsa, Sanusi Bature Dawakin Tofa, da...

Labarai5 days ago

Durumbun Gusau Ya Bukaci Haɗin Gwiwa Wajen Magance Matsalar Tsaro

Daga Aminu Dalhatu, Gusau Sabon Durumbun Gusau, Farfesa Aminu Ibrahim Gusau, ya yi kira da a ƙarfafa haɗin gwiwa tsakanin...

Labarai5 days ago

Gwamnatin Neja Ta Jaddada Ƙudurinta Na Farfaɗo Da Kamfanin Buga Takardun Gwamnati

Daga Aliyu Lawal, Minna Gwamnatin Jihar Neja ta tabbatar da shirinta na inganta ayyuka da ƙwarewar gudanarwa a Kamfanin Buga...

Labarai5 days ago

An Ceto Wani Mutum da Ya Fada Kududdufi a Kano

Daga Khadijah Aliyu, Kano   Hukumar kashe gobara ta ceto wani mutum mai shekaru 42, mai suna Sani Uba Kwaru,...

Labarai5 days ago

Tsangayar Kimiyyar Kula Da Lafiya Ta BUK Ta Lashe Zinare A Gasar Kwallon Ƙafa Ta Tsangayu Karo Na 19

Daga Khadijah Aliy, Kano Tsangayar Kimiyyar Lafiya ta Farko (Basic Medical Sciences) ta Jami’ar Bayero da ke Kano (BUK), ta...

Labarai5 days ago

Shugaban Majalisar Wakilai Ya Jaddada Muhimmancin Samar Da Ilimi, Lafiya Da Tsaro Ga Al’umma

Daga Ibrahim Suleiman, Zaria Shugaban Majalisar Wakilai ta Nijeriya, Dakta Abbas Tajudeen, ya bayyana cewa manufar shugabanci ita ce biyan...

Labarai5 days ago

Dan Takarar Gwamnan Sokoto Na ADC Ya Tsalleke Rijiya da Baya Daga Yunkurin Hallaka Shi

Daga Nasiru Muhammad, Sakkwato Dan takarar gwamnan Jihar Sokoto na jam’iyyar  ADC, Hon Mannir Muhammad Dan’Iya, ya zargi jami’an rundunar...

Labarai1 week ago

Mutane Aƙalla 64 Sun Mutu a Haɗarin Jiragen Ƙasa a Sifaniya

Mutane aƙalla 64 sun mutu bayan wasu jiragen ƙasa guda biyu masu saurin gudu sun yi karo da juna a...

Labarai1 week ago

Katsina: Dalibai 64 Sun Jikkata Bayan An Musu Rigakafin Cutar Tsargiya

Daga Isma’il Adamu  Aƙalla dalibai 64 na makarantar sakandaren kimiyya ta gwamnati da ke Batagarawa, a jihar Katsina, aka garzaya...

Mafi Shahara