Kwamitin Duba Kan Sabon Mafi Karancin Albashi Ya Mika Rahotonsa Ga Gwamnatin Jigawa

Kwamitin da gwamnatin jihar Jigawa ta kafa domin samar da  matsaya kan sabon mafi karancin albashi na kasa ya mika rahotonsa ga sakataren gwamnatin jihar Malam Bala Ibrahim.

Hakan na kunshe ne cikin wata sanarwa da jami’in hulda da jama’a na ofishin sakataren gwamnatin jihar Alhaji Ismaila Ibrahim Dutse ya rabawa bai wa rediyon Najeriya a Dutse.

Kwamitin ya samu jagorancin tsohon shugaban ma’aikatan jihar  Alhaji Mustapha Aminu.

Da yake gabatar da rahoton, Alhaji Mustapha Aminu ya godewa gwamnatin jihar bisa ganin sun cancanci wannan muhimmin aiki.

Da yake karbar rahoton, Sakataren Gwamnatin Jihar Jigawa, Malam Bala Ibrahim ya gode wa kwamatin bisa wannan aiki da ya yi.

“A madadin Gwamna Malam Umar  Namadi, ina son in gode muku bisa kwazo da jajircewa da kuka nuna wajen gudanar da wannan aiki”. Inji shi.

Usman Muhammad Zaria