Karamar Hukumar Miga Ta Yi Wa Tsara Zarar Wajen Fatar da Zakkar Amfanin Gona

Daga Usman Muhammad Zaria

Mai Martaba Sarkin Dutse, Alhaji Hamim Muhammadu Nuhu Sanusi ya kaddamar da rabon zakkar kayayyakin amfanin gona ta shekarar musulunci ta 1447 a gundumar Miga dake Jihar Jigawa.

A lokacin da yake jawabi, Mai Martaban ya bayyana cewar an kaddamar da rabon zakkar ne a Miga kasancewarta ta farko wajen tattara zakkar amfanin gona a shekarar 2025.

A don haka, Alhaji Hamim Muhammadu Sunusi, ya hori al’ummar Miga da su kasance masu son zaman lafiya da junan su gami da gujewa tada fitina.

A nasa jawabin, Shugaban Karamar Hukumar Miga, Mallam Bilya Garba ya bada tabbacin ci gaba da marawa gundumar baya domin rike kanbunta wajen tattara zakka.

Tun da farko a jawaninsa, Sa’in Dutse Mallam Mahmud Yunusa ya yi bayani dalla dalla kan yawan zakkar da kowacce gunduma ta samu.

Wakilinmu ya bamu rahoton cewar, an tara zakar amfanin gona ta naira miliyan 623 da dubu 822 a shekarar 2025.

Amfanin gonan sun hada da Dammunan Gero da Dawa 40, 558 da kuma bahunan gero da Dawa 2,181 da za a rabawa mabukata har su 29,906.