Sarkin Musulmi Ya Bukaci A Fara Duban Jinjirin Watan Ramadan

Mai Alfarma Sarkin Musulmi Muhammad Saad Abubakar ya yi kira ga al’ummar Musulmin kasar nan da su fara neman ganin jinjirin watan Ramadan  na shekarar 1445 bayan hijira, gobe Lahadi 10 ga Maris 2024 daidai da Kalandar Musulunci 29 ga watan Shaaban 1445 Hijira.

A wata sanarwa dauke da sa hannun shugaban kwamitin ba da shawara kan harkokin addini da ke Sakkwato, Farfesa Sambo Wali Junaidu ya ce, duk wanda ya ga jinjirin watan ya sanar da hakimi ko dagaci  mafi kusa, domin tuntubar Sarkin Musulmi.

Za a iya amfani da lambobin waya da ke kasa  don kai rahoton ganin jinjirin watan ga fadar Sarkin Musulmi.

08037157100

07067416900

08066303077

08036149757

08099945903

Daga Nasiru Malali

NASIR MALALI