Kwara ta bukaci a sanya ido sosai, yayin da jami’an tsaro ke kara kai hare-hare a maboyar masu garkuwa da mutane

Gwamnatin jihar Kwara ta shawarci al’ummar da ke kewayen kananan hukumomin Ekiti, Ifelodun, Isin, Oke Ero, da Irepodun, da su yi taka-tsan-tsan tare da takaita harkokin a wuraren da sojoji ke aikin musamman.

A wata sanarwa da kwamishinan yada labaran jihar, Bolanle Olukoju ya fitar t cea shawarar ta biyo bayan tsaurara matakan tsaro da hadin gwiwar jami’an tsaro suka yi a garuruwan Kogi da Kwara, inda ake kyautata zaton masu garkuwa da mutane sun yi garkuwa da su.

“Muna kira ga jama’a da su yi taka-tsan-tsan tare da takaita zirga-zirgar ababen da suka dace kawai, wato don gudun kada a kama su ba tare da saninsu ba, yayin da masu garkuwa da mutane ke tserewa maboyarsu, ba ma son abin ya shafa masu bin doka da oda.

A cewarta gwamnatin ta yi nadamar matsalolin wucin gadi da takaita zirga-zirgar ka iya haifarwa a yankunan da ke kusa.

Ya kuma yabawa jami’an tsaro bisa sabon kokarin da suke na fatattakar ‘yan ta’addan, tare da gurfanar da su a gaban kuliya har sai an kawar da su gaba daya, kuma a fitar da su daga dazuzzuka.

REL/ALI MUHAMMAD RABIU