Shugaba Tinubu Ya Jajantawa Iyalan Wadanda Harin Masallaci Ya Shafa A Kano

Shugaba Bola Tinubu ya umurci jami’an tsaro da su tabbatar da gudanar da bincike mai zurfi tare da gurfanar da wanda ake zargi da kai hari a wani masallaci a jihar Kano.

A cikin wata sanarwa da shugaban ya fitar, ya mika ta’aziyyarsa ga gwamnati da al’ummar jihar Kano bisa gobarar da ta yi sanadiyar mutuwar wasu masallata a wani masallaci da ke Larabar Abasawa a karamar hukumar Gezawa a jihar.

Ya yi Allah wadai da wannan mummunan lamari, ya kuma jajanta wa iyalan wadanda abin ya ritsa da su, tare da yin addu’ar samun sauki ga wadanda suka jikkata.

Bello Wakili