Ba Rabo Da Gwani Ba Shekaru 35 A Radio Nijeriya Kaduna

Daga Ibrahim Idris Kaurar Namoda
A Ranar 20 ga Watan Satumban 1990 Habibu Tabari ya fara aiki da Radio Nigeria Kaduna, Shekaru 35 kenan da Suka gabata, inda ya fara aiki a matsayin karamin Ma’aikaci a Sashen Shiirye Shirye.

Habibu Tabari ya gabatar da Shirye Shirye da suka hada da gabatar da Zabe da Filin ‘Yan Club,, da wasa Kwakwalwa da shirye shirye addinin musulunci kamar rabin sa’ar Makarantar Sheikh Abubakar Gummi.

Shirye shirye Hajjin Bana da Tafsiran Alkur’ani Mai Girma da dai sauran shirye shirye. Sai dai shirin da Habibu Tabari yayi fice a Radio Nigeria Kaduna shi ne Jakar Magori da a shekarun baya.

Ya yi suna a matsayin Dan Autan Jakar Magori. Kasantuwarshi  karami a shekaru cikin masu kawo rahotanni a shirin wanda daga bisani ya zamo Madugu kuma Jagoran shirin har lokacin da ya zamo mai kula da shirin Jakar Magori dama sauran shirye shirye.

Habibu Tabari ya halarci kwasa kwasai a Kwalejin horas da Ma’aikatan Radio Nigeria dake Ikeja a birnin Ikko dama kwasa kwassai da dama.

Habibu Tabari kwararren ma’aikacin Radio ne da ya koyar da na kasa dashi dama koyar da da yawan masu neman sanin makamar aiki dama masu yiwa kasa hidima.

Sanin aikin Radio da kwarewar Habibu Tabari ya sa a ranar 30 ga watan Ogostan wannan shekara ta 2025 Kungiyar Ma’aikatan Radio da Talabiji da Masu wasan kwaikwayo reshen Radio Nigeria Kaduna ta karrama Habibu Tabari a matsayin Gwarzon shekara wajen Shirye- Shirye baya ga wasu karramawar da ya samu a shekarun baya.

A wannan rana ta 20 ga watan Satumban 2025 Habibu Tabari ya cika shekaru 35 a matsayin ma’aikacin Radio Nigeria Kaduna ranar da aikin shi ya zo karshe.

Sashen Sirye Shirye dama Radio Nigeria Kaduna hada da masu sauraren Radio Nigeria Kaduna za su yi kewar Muryar Habibu Tabari, sai dai Ilmin da ya bari za a ci gaba da amfana dashi duk da akan ce Ba Rabo da Gwani ba Maida Kamarshi.