Ambaliya Ta Lalata Gonakin Shikafa 995 A Babura

A kalla gonakin shinkafa 995 ne ambaliya ta lalata a kauyuka 16 da ke mazabar Kuzunzumi a ƙaramar hukumar Babura.

Mai magana da yawun al’ummomin da abin ya shafa, Abdulrahman Maikano, ya bayyana damuwa cewa lamarin na iya haifar da ƙarancin abinci da asarar kuɗaɗen shiga a yankin.

Ya roƙi gwamnatin jiha da hukumomin da abin ya shafa da su kawo musu dauki domin rrage radadin halin da suka tsinci kansu a ciji.

Haka kuma, wasu daga cikin manoman da abin ya shafa, Suraja Muhammad da Malam Musa, sun ce irin wannan matsala na faruwa kusan kowace shekara. Saboda haka suka yi kira ga gwamnati ta samar da kwararru domin taimakawa wajen dakile afkuwar wannan iftila’i nan gaba.

Manoman sun yaba da matakin da shugaban ƙaramar hukumar Babura, Malam Hamisu Muhammad Garu, ya ɗauka na tura tawaga domin jajanta musu.

Usman Muhammad Zaria