Labarai
Mutane Aƙalla 64 Sun Mutu a Haɗarin Jiragen Ƙasa a Sifaniya
Mutane aƙalla 64 sun mutu bayan wasu jiragen ƙasa guda biyu masu saurin gudu sun yi karo da juna a tsakiyar ƙasar Sifaniya, yayin da ake fargabar adadin waɗanda suka mutu zai ƙaru.
Hatsarin ya faru ne a safiyar Laraba, 28 ga Oktoban 2026, a layin dogo da ya haɗa birnin Madrid da Seville, kusa da garin Urda da ke yankin Toledo.
Rahotanni sun ce jiragen ƙasan da suka yi karo sun haɗa da na kamfanonin Renfe da Iryo, waɗanda ke tafiya daga Madrid zuwa Seville.
Bayanai na farko sun nuna cewa jirgin ƙasan Renfe ya bugi bayan jirgin Iryo, lamarin da ya sa wasu daga cikin taragon jiragen suka fita daga kan layin dogo, inda wasu suka gangara zuwa wani gangare.
Jiragen biyu na ɗauke da fasinjoji sama da 500. Jirgin Iryo na ɗauke da fasinjoji 147, ciki har da jariri, yayin da jirgin Renfe ke ɗauke da fasinjoji 397.
Ma’aikatan agajin gaggawa, jami’an ‘yan sanda, masu kashe gobara da jami’an lafiya sun isa wurin domin ceto waɗanda suka tsira da kuma kai waɗanda suka jikkata asibitoci.
Hukumomin Sifaniya sun dakatar da zirga-zirgar jiragen ƙasa a kan hanyar Madrid zuwa yankin Andalusia, yayin da ake ci gaba da aikin ceto da bincike domin gano musabbabin hatsarin.
-
Labarai5 days agoJigawa: Grand Khadi Ya Fara Rangadin Kotunan Shari’a
-
Labarai3 days agoNIAS Ta Karrama Namadi Bisa Bunƙasa Harkar Kiwo
-
Labarai6 days agoGwamnatin Kebbi Ta Kammala Shirye-shiryen Tarbar Tinubu
-
Labarai4 days agoGobara Ta Lalata Shaguna 10 A Jihar Kwara
-
Labarai4 days agoShugaban Majalisar Kano Ya Ƙaddamar Da Sabon Ofishin ’Yan Sanda A Rogo
-
Labarai1 day agoINEC Ta Ƙaddamar Da Kwamitin Wayar Da Kai Ga Masu Zaɓe A Kaduna
-
Labarai5 days agoZa a Gabatarda Zaben Kananan Hukumomi a 2027 a Kaduna
-
Labarai2 days agoAn Bukaci Masu Kula da Lafiyar Al’umma Su Rike Ka’idojin Aiki
