Connect with us

Labarai

Su Waye Suka Kashe Sheikh Yahaya Masussuka a Dutsin-Ma

Published

on

Wasu ’yan bindiga da ake zargi da aikata laifuka sun kashe fitaccen malamin addinin Musulunci, Sheikh Yahaya Masussuka, a gidansa da ke Ƙaramar Hukumar Dutsin-Ma ta Jihar Katsina.

An kai wa malamin harin ne da misalin ƙarfe 9 na dare a ƙofar gidansa, inda maharan suka buɗe wuta a kansa da wani mutum da ke tare da shi.

Daga bisani, an garzaya da waɗanda harin ya rutsa da su zuwa Babban Asibitin Dutsin-Ma domin ba su agajin gaggawa, amma bayan wasu mintuna aka tabbatar da rasuwarsu.

Mazauna Dutsin-Ma sun bayyana cewa sunan mutum na biyu da harin ya rutsa da shi Malam Adamu ne, wanda ake kyautata zaton cewa harin ya same shi ne bisa kuskure.

Shaidun gani da ido sun bayyana cewa maharan sun isa wurin ne a kan babur, inda suka yi wa waɗanda abin ya shafa kwanton ɓauna jim kaɗan bayan kammala wani taro da aka gudanar a gidan Sheikh Masussuka.

Ya zuwa lokacin haɗa wannan rahoto, ba a bayyana cikakken bayani game da harin, ko su waye maharan, ko kuma dalilin da ya sa suka kai harin ba.

A halin da ake ciki, kisan ya jefa mazauna yankin cikin jimami, musamman mabiyan malamin.

Rundunar ’Yan Sandan Jihar Katsina ta tabbatar da faruwar lamarin, inda ta bayyana cewa tana ci gaba da ƙoƙarin gano waɗanda suka aikata laifin domin kamo su tare da gurfanar da su a gaban shari’a.

Wata sanarwa da Jami’in Hulɗa da Jama’a na rundunar, DSP Abubakar-Sadiq Aliyu, ya sanya wa hannu, ta bayyana cewa wasu mutane biyu ɗauke da makamai, waɗanda ke kan babur, sun buɗe wuta tare da raunata mutanen biyu har lahira.

Sanarwar ta ce: “Bayan samun rahoton faruwar lamarin, Jami’in ’Yan Sanda na Sashen Dutsin-Ma ya jagoranci tawagar jami’an tsaro zuwa wurin da lamarin ya faru. Nan take aka garzaya da waɗanda abin ya shafa zuwa asibiti mafi kusa domin ba su kulawar gaggawa amma abin takaici, likitan da ya duba su ya tabbatar da rasuwarsu.

“Kwamishinan ’Yan Sandan Jihar Katsina, CP Ali Umar Fage, ya bayar da umarnin tura jami’an rundunonin musamman zuwa yankin.

“Kwamishinan ’Yan Sandan ya miƙa saƙon ta’aziyyarsa ga iyalai da abokai da mabiyan waɗanda suka rasu, da kuma al’ummar Ƙaramar Hukumar Dutsin-Ma, bisa wannan babban rashi.

Isma’il Adamu

 

Labarai

Labarai1 day ago

INEC Ta Ƙaddamar Da Kwamitin Wayar Da Kai Ga Masu Zaɓe A Kaduna

Daga Abdullahi Shettima Hukumar Zaɓe Mai Zaman Kanta ta Ƙasa (INEC), reshen jihar Kaduna, ta kaddamar da Kwamitin Haɗin Gwiwar...

Labarai2 days ago

An Bukaci Masu Kula da Lafiyar Al’umma Su Rike Ka’idojin Aiki

An bukaci masu aikin kula da lafiyar al’umma da su kasance masu bin ka’idojin sana’arsu tare da kiyaye martabar aikin,...

Labarai3 days ago

NIAS Ta Karrama Namadi Bisa Bunƙasa Harkar Kiwo

Daga Usman Muhammad Zaria  Cibiyar Nazarin Kimiyyar Dabbobi ta Ƙasa (NIAS) ta karrama Gwamnan Jihar Jigawa, Malam Umar Namadi, da...

Labarai4 days ago

Gobara Ta Lalata Shaguna 10 A Jihar Kwara

Daga Ali Muhammad Rabi’u  Wata gobara da ta tashi da tsakar dare ta ƙona shaguna takwas da shagunan kwantena guda...

Labarai4 days ago

Shugaban Majalisar Kano Ya Ƙaddamar Da Sabon Ofishin ’Yan Sanda A Rogo

Daga Khadijah Aliyu Shugaban Majalisar Dokokin Jihar Kano, Jibril Ismail Falgore, ya ƙaddamar da sabon ofishin ’yan sanda na shiyya...

Labarai5 days ago

Jigawa: Grand Khadi Ya Fara Rangadin Kotunan Shari’a

Daga Usman Muhammad Zaria  Mukaddashin Babban Alƙalin Kotun Ɗaukaka Ƙara ta Shari’a ta Jihar Jigawa, Umar Nasir Ahmad, ya fara...

Labarai5 days ago

Za a Gabatarda Zaben Kananan Hukumomi a 2027 a Kaduna

Hukumar Zaɓe ta Jihar Kaduna (KADSIECOM) ta sanar da cewa za a gudanar da zaɓen ƙananan hukumomi a faɗin jihar a...

Labarai6 days ago

Gwamnatin Kebbi Ta Kammala Shirye-shiryen Tarbar Tinubu

Daga Sani Dutsinma  Gwamnatin Jihar Kebbi ta ce ta kammala shirye-shiryen tarbar Shugaba Bola Ahmed Tinubu, domin halartar gangamin yaƙin...

Labarai1 week ago

Gwamnatin Jigawa Ta Ware Sama Da Naira Biliyan 1 Don Bunƙasa Kiwo Da Sana’o’i

Daga Usman Muhammad Zaria  Gwamnatin Jihar Jigawa ta amince da kashe naira biliyan 1.124 domin ginawa da gyara cibiyoyin kiwo...

Labarai1 week ago

Tinubu Ya Gargadi ’Yan Siyasa Kan Tashin Hankali Gabanin Zaɓen 2027

Daga Bello Wakili  Shugaban Ƙasa Bola Ahmed Tinubu ya gargaɗi ’yan siyasa da magoya bayansu kan guje wa tashin hankali,...

Mafi Shahara