Liverpool ta bi sahun Man Utd da Chelsea kan Neves

Kociyan Sporting Lisbon Ruben Amorim zai duba yuwuwar tafiya Liverpool idan aka ba shi aikin, to amma zai yanke shawara ne a karshen kakar nan. (Correio da Manha)

Newcastle za ta kara azama wajen neman babban dan baya a bazaran nan sannan kuma za ta sake bai wa dan bayanta Paul Dummett sabon kwantiragi bayan da kyaftin dinta Jamaal Lascelles ya tafi jinyar kusan wata tara ta gwiwa. (Newcastle Chronicle)

Tsohon kociyan Sheffield United Paul Heckingbottom ya zama na farko a jerin wadanda Sunderland da ke gasar Championship ke son dauka a matsayin mai horarwa na dindindin na gaba. (Sun)

A shirye Barcelona take ta saurari tayi a kan Raphinha a bazaran nan domin fita daga matsin rashin kudi a bazara, to amma kuma danwasan na Brazil ba ya son barin kungiyar. (Sport)

Tottenham za ta bayar da aron Alejo Veliz, 20, ga wata kungiyar daban a kaka mai zuwa, ganin cewa matashin na tawagar Argentina ta ‘yan kasa da shekara 20 ba a sa shi wasa sosai ba a zaman aron da yake yi yanzu a Sevilla. (Fabrizio Romano)

Tottenham ta bi sahun masu son matashin danwasan tsakiya na Leeds United Archie Gray, mai shekara 18 na tawagar Ingila ta ‘yan kasa da shekara 21, wanda kuma Liverpool ma na sonshi. (Football Insider)