Kasuwanci
Ramadan: Gidauniyar Dangote Ta Raba Buhunan Shinkafa Miliyan Ɗaya A Bana
Attajirin Afirka, Alhaji Aliko Dangote, ta hannun Gidauniyar Aliko Dangote, ya ƙaddamar da rabon abinci kyauta ga al’ummar Musulmi su dubu 10 a Jihar Kano, jiharsa ta asali.
Har ila yau gidauniyar ta kara yawan abincin da take ciyarwa ta hanyar raba buhunan shinkafa miliyan ɗaya da kuɗinsa ya haura Naira biliyan 13 a jihohi 36 da Abuja domin rage halin matsin yunwa da al’umma ke fama da shi a kasar nan.
Manufar wannan aiki shi ne a saukaka wa miliyoyin ’yan Nijeriya wahalhalun da suke ciki da kuma ƙalubalen tattalin arziki da ake fama da shi.
Baya ga raba burodi dubu 20 da ake yi kullum ga mazauna birnin Kano da dubu 15 ga mazauna Legas, wannan ciyarwa ta abincin da aka fara tun lokacin cutar Kwarona a 2020 ta dore har zuwa yanzu.
Abincin da ake dafawa ana rabawa sun haɗa da shinkafa dafa-duka, shinkafa da miya, dafa dukan taliya, doya, wake da naman kaji da na shanu da robar ruwa ga kowane mutum ɗaya.
Ana raba ƙunshin abincin ne a masallatan Juma’a da tituna da gidajen yari da gidajen marayu da sauran wurare a birnin Kano da kewaye.
Wani wanda ya ci gajiyar abincin mai suna Malam Musa Maikatako mazaunin Unguwar Tarauni ya bayyana jin daɗinsa da wannan karamci, ya ce ya taimaka masa wajen yin buɗa-baki cikin sauƙi.
Malam Maikatako, ya ce samun wannan abinci na kyauta zai taimaka wajen rage wa al’umma wahalhalun da suke ciki, wanda in ba don wannan abinci ba, jama’a da dama ba za su iya yin buɗa-baki sai da ruwa kawai, ganin matsalar tattalin arziki da ’yan Nijeriya ke fuskanta.
“Ba zan iya bayyana irin farin cikin da nake ciki ba, wannan abinci ya taimaka matuƙa ga talaka irina, domin mun samu abin da za mu yi buɗa-baki baki da abinci mai kyau.
“Na san mutane da yawa a jihar nan waɗanda za su yi buɗa-baki da ruwa kawai. Don haka wannan abinci ya kawo mana sauƙi,” in ji shi.
Malam Musa Maikatako ya yi godiya ga Gidauniyar Dangote bisa wannan karimci, inda ya yi addu’ar Allah Ya ƙara masa arziki ya kuma ci gaba da sanya albarka a kasuwancinsa.
A cewar Inna, “Na yi farin ciki da na samu abinci mai daɗi kuma kyauta a cikin irin wannan hali na wahalhalu da ake ciki. A cikin wannan wahala da muke ciki a ce ka samu abinci irin wannan ai sai godiya.
“Ba abin da zan ce sai dai in yi godiya ga Alhaji Aliko Dangote, ina roƙon Allah Ya ƙara masa albarka,” in ji Inna.
Baya ga rabon burodi da ake yi a shekara 4, an shafe sama da shekara 30 ana ci gaba da ciyar da mabuƙata a Kano da Gidauniyar Aliko Dangote ke yi.
Ana yin haka ne daga gidan mahaifiyarsa da ke Koki da wuraren girki daban-daban da aka tanada.
Wannan shirin ciyarwa yana ciyar da mazauna Kano dubu 10 a kullum tare da samar da abin karin kumallo da abincin rana da kuma abincin dare, duk wannan aiki mai tarin fa’ida ana gudanar da shi fiye da shekara 30.
An Samar Da Masauki Kusa Da Harami Ga Alhazan Jihar Jigawa
Hukumar jin dadin alhazai ta jihar Jigawa ta samar da katafaren masauki kusa da Masallacin Harami da ke birnin Makkah...
Kungiyar AFAN Ta Shirya Taron Bita Ga Manoman Jihar Jigawa
Hadaddiyar kungiyar manoma ta kasa reshen Jihar Jigawa da cibiyar binciken yanayin kasa dake Kaduna sun shirya wa manoma daga...
An Bukaci Gwamnatin Sakkwato Ta Agaji Jami’ar Jihar
Kungiyar Malaman Jami’ar Jihar Sakkwato ASUU-SSU ta yi kira ga gwamnatin Jihar ta duba halin da kungiyar ke ciki da...
Mun Aika Musu Takardun Gargadi Kafin Ginin Ya Rushe – KANUPDA
Manajan Daraktan Hukumar Tsare-tsare da Ci gaban Birane ta Jihar Kano (KNUPDA), Architect Ibrahim Yakub Adamu ya yi gargadin...
Zamu Zuba Jarin Dala Miliyan 600 a Nijeriya – Mr. Robert
Shugaba Kasa Bola Tinubu ya samu masu zuba jarin dala miliyan 600 daga kamfanin sufurin jiragen ruwa na kasar Denmark,...
Gini Ya Fado Kan Mutane 11 A Kano
Wani gini ya fado kan ma’aikata suna tsaka da aikin gini a unguwar Kuntau da ke Karamar Hukumar Gwale a...
Gwamnatin Qatar Za Ta Tallafa Wa Marayu 1000 A Borno
Gwamnatin Kasar Qatar ta yi alkawarin tallafawa kimanin marayu dubu daya da rikicin Boko Haram ya rutsa da iyayensu. Jakadan...
Jihar Jigawa Za Ta Fara Allurar Rigakafi Da Bada Unifom Ga Alhazai
Hukumar Jin Dadin Alhazai ta Jihar Jigawa ta ce nan ba da dadewa ba za ta fara gudanar da allurar...
Daliban Jihar Kebbi Da Ke Kasashen Waje Za Su Sami Tallafin Naira Miliyan 309
Gwamnatin jihar Kebbi, ta amince da kashe sama da Naira miliyan Dari Uku da Tara, domin biyan tallafin karatu na...
Kwari Masu Lalata Amfanin Gona Sun Mamaye Gonakin Tumatur A Kano
Shugaban kungiyar manoma ta jihar Kano, AFAN, Abdullahi Maibreadi, ya bukaci gwamnati a dukkan matakai da su taimaka wa manoma...
-
Labarai2 days ago
Kungiyar AFAN Ta Shirya Taron Bita Ga Manoman Jihar Jigawa
-
Labarai5 days ago
Gini Ya Fado Kan Mutane 11 A Kano
-
Fasaha3 days ago
An Bukaci Gwamnatin Sakkwato Ta Agaji Jami’ar Jihar
-
Kasuwanci3 days ago
Mun Aika Musu Takardun Gargadi Kafin Ginin Ya Rushe – KANUPDA
-
Ilimi5 days ago
Gwamnatin Qatar Za Ta Tallafa Wa Marayu 1000 A Borno
-
Ilimi3 days ago
Zamu Zuba Jarin Dala Miliyan 600 a Nijeriya – Mr. Robert
-
Labarai2 hours ago
An Samar Da Masauki Kusa Da Harami Ga Alhazan Jihar Jigawa