CHPRBN ta jaddada bunkasa kiwon lafiya Najeriya

Shugaban hukumar, Alhaji Dr. Bashir Idiris Lifidin Jama’a, ne ya bayyana hakan yayin ganawarsa da manema labarai jim kadan bayan kammala taron masu ruwa da tsaki na shiyyar Arewa maso Yamma da aka gudanar a Kaduna.

Ya ce taron, wanda ya samu halartar kwararru kan tsara manufofi da aiwatar da su, ya mayar da hankali ne kan tattara muhimman dokoki da tsare-tsare na aiki ga ma’aikata, tare da inganta hanyoyin horas da su a matakin farko domin su rika gudanar da ayyukansu bisa ka’idoji, don tabbatar da ingantaccen kula da lafiyar al’umma.

Ya kara da cewa hukumar ta kudiri aniyar tafiya da zamani ta hanyar bai wa ma’aikata horo kan amfani da fasahar zamani, domin tunkarar kalubalen da ka iya tasowa a fannin aikinsu.

A karshe, ya shawarci ma’aikatan lafiya da su mayar da hankali wajen gudanar da ayyukansu bisa tsarin doka, domin tallafa wa kokarin da hukumar ke yi na habaka tsarin kiwon lafiya a matakin farko yadda ya kamata.CHPRBN ta jaddada bunkasa kiwon lafiya Najeriya