Ana Gasar Sarauniyar Kyau Ta Tumaki A Senegal

Tumaki a Senegal na gwagwarmayar lashe babbar kyautar gasar kyau da suke yi.

Tunkiyar da aka fi sanya ran zata lashe gasar itace Guediawaye wadda ta fito daga wani ƙaramin ƙauye gab da birnin Dakar.

Bayanai sun ce Tunkiyar Jinsin Niang Ballo, waɗanda basu da yawa a ƙasar, inda ake sanya su a cikin Tumaki mafiya kyau da ɗaukar ido la’akari da yanayin girman hallita da kuma sassan jikinsu.

Mamallakin Tunkiyar Muhammed Wane, ya ce baya jin ko ɗar cewa Tunkiyarsa ce zata yi nasara, yana mai cewa ko bayan kyan tsarin hallita da Allah yayi mata, tafi kowacce Tunkiya ɗaukar kwalliya a cikin jerin Tumakin da suka shiga gasar.

Tun fara gasar Tumkiyar ta lashe kyaututtuka fuda takwas, tun tana ‘yar karamarta zuwa yanzu.

Masu shirya gasar sun ce an rabbare ɓangaren kyau na Raguna da Tumaki daban, sai kuma matasa, kuma an shirya ta ne don ƙarfafawa makiyaya gwiwar kulawa da dabbobinsu.

A cewar makiyayan irin waɗannan nau’ikan Tumaki, ba ana kiwon su ne don ci ba, a’a ana kiwata su ne don ado da ƙawata gida.

Bayanai sun nuna cewa mafi yawan mutanen da ke kiwon irin waɗannan Tumaki masu arziki ke, la’akari da irin tsadar da take da shi.

rfi