Jami’an Kwamitin Binciken Gwamnatin Tambuwal Sun Kasa Bayyana Wajen Zaman

Tsohon Ministan Sufuri Alh. Yusuf Sulaiman ya shawarci bangaren shari’a na gwamnati da su kiyaye da’a da kyawawan dabi’u da ake bukata wajen sauya labaran yadda ake gudanar da mulki domin ci gaban zamantakewa da tattalin arzikin kasa.

Ministan wanda kuma tsohon Ministan Matasa da Wasanni ne ya ba da wannan shawarar a lokacin da yake zantawa da manema labarai bayan ya bayyana a matsayin shaida a gaban kwamitin bincike na shari’a da gwamnatin jihar Sakkwato ta kafa domin binciken gwamnatin PDP a jihar.

Alh.Yusuf Suleiman da tsohon mataimakin gwamnan jihar Sokoto, karkashin jagorancin gwamna Aminu Waziri Tambuwal, Alh. Mannir Dan Iya ya bayyana a matsayin shaida a ranar Laraba, 22 ga Mayu, 2024, bayan da aka manna takardar sammaci a bangon gidajensu.

Ya ce abin takaici ne bayan girmama gayyatar da hukumar ta yi masa, babu wani dan kwamitin binciken da ya halarci wurin zaman hukumar.

Sulaiman ya ja kunnen kwamitin bincike na shari’a da kada su bari ‘yan siyasa su yi amfani da su wajen cimma muradun su na son rai.

Ya ce dole ne alkalai da lauyoyi su kiyaye kwarewa da dabi’u wajen tabbatar da gudanar da shari’a a kotunan shari’a a kokarin da suke na ganin an samu ci gaba a kasar nan .

Tsohon Ministan da tsohon mataimakin gwamnan da ake zargi da mallakar motocin jama’a ba bisa ka’ida ba sun ce ba a sanar da su wani dage zaman da hukumar ta yi kafin bayyanar su ba.

Rediyon Najeriya dake Sokoto Muhammad Nasir ya tattaro cewa, a zaman da kwamitin ya gudanar na karshe, shugaban hukumar, Mai shari’a Mu’azu Pindiga, ya bayar da izini ga gwamnatin Sokoto, na mika takardun kotu kan Suleiman da Dan Iya ta hanyar maye gurbinsu, ta hanyar lika sammacin kwamitin. akan katangar gidajensu.

NASIR MALALI/Wababe