Sojojin Najeriya Sun Karɓi Motocin Yakin Da Aka Kera A Cikin Ƙasa

Sojojin Najeriya sun karɓi motocin Vanquisher Light Armoured Personnel Carriers da aka kera a cikin ƙasa daga kamfanin sarrafa makamai na kasa (DICON).

A yayin bikin karɓar motocin, Shugaban Hafsan Sojojin Ƙasa, Lafnal Janar Waidi Shaibu, ya bayyana cewa wannan mika kayan aiki shaidar ikon Najeriya ne a fannin kera kayan soja.

Wakilinsa, na Hedkwatar Sojojin Ƙasa, Major General Bamidele Alabi, ya ce motocin za su ƙara inganta aikin sojoji a fannoni daban-daban na ayyukan soja.

Ya bayyana cewa wasu motocin da aka samar a baya sun nuna amincinsu yayin gwaje-gwajen aiki, wanda ya sa aka ba da umarnin kera ƙarin motocin don amfani nan take a fagen aiki.

A jawabin maraba, Daraktan Janar na DICON, Major General Babatunde Alaya, ya ce wannan mika kayan aiki mataki ne mai muhimmanci wajen samun dogaro da kai a fannin tsaro.

Ya jaddada cewa motocin an tsara su ne domin dacewa da yanayin aiki na Najeriya, kuma an kera su don ayyuka da dama.

Usman Sani