Sanata Yari Ya Raba Shanu 500 a Zamfara

Daga Aminu Dalhatu 

Tsohon Gwamnan Jihar Zamfara kuma Sanatan da ke wakiltar mazabar Zamfara ta Yamma, Abdulaziz Yari Abubakar, ya bai wa mambobin jam’iyyar APC a jihar shanu 500.

An raba shanun a fadin gundumomin siyasa 147 na jihar, inda kowace gunduma za ta sami shanu 3.

A cewar Dr. Lawal M. Liman, Gabdon Kaura, wannan tallafi al’ada ce ta shekara-shekara da ke da nufin tallafa wa shugabanni da mambobin jam’iyyar a lokutan bukukuwa.

Shugaban Kwamitin Yaɗa Labarai, Ibrahim Mohammed, ya bayyana hakan a cikin wata sanarwa, inda ya ce an yi wannan tallafi ne domin bai wa mambobin jam’iyyar damar gudanar da bukukuwan Eid-el-Kabir cikin sauƙi.

Gabdo ya kuma buƙaci su yi amfani da wannan lokaci wajen yin addu’o’i ga ƙasar da shugabanninta, musamman Shugaba Bola Ahmed Tinubu, wanda ya ce yana buƙatar addu’o’i fiye da kowane lokaci.