Gwamnatin Taraba Ta Shirya Rarraba Taraktoci Noma

Gwamnan jihar Taraba, Agbu Kefas amince da tsarin kwamitin rabon tarakta a jihar.

Hakan na kunshe ne cikin wata sanarwa da sakataren gwamnatin jihar, Cif Timothy Kataps ya sanyawa hannu, kuma babban sakataren yada labaran gwamnan, Yusuf Sanda ya bayyanawa manema labarai.

Sanarwar ta ce kwamishinan noma da samar da abinci na jihar, Farfesa Nickolas Nemesson ne zai jagoranci kwamitin a matsayin shugaba.

Mambobin sun hada da shugaban RIFAN na jiha, Tanko Bobbo Andami, wakilan kungiyar kwadago, Mr. Gara Nuga daga kungiyar matasa ta kasa (NYCN), da majalisar mata ta kasa (NCWS).

Sauran mambobin kwamitin sun hada da Uchena Eschareturi, da Dr. Aminu Jauro Hassan, shugaban karamar hukumar Jalingo, mai wakiltar ALGON.

Sai dai Mista Samson Alhassan na ofishin sakataren gwamnatin jihar Taraba zai kasance sakataren kwamitin.

Sai dai har yanzu ba a bayyana ranar da za a fara rabon kayayyakin ba.

Sani Sulaiman/Wababe