Gwamnatin Jihar Kwara Ta Samar Da Sufuri Kyauta Ga Dalibai

Gwamnatin jihar Kwara ta yi tanadin sufuri kyauta ga daliban da suke komawa makaranta bayan hutun Kirsimeti da na sabuwar shekara domin saukaka musu tsadar sufuri.

Kwamishinar kasuwanci, kirkire-kirkire da fasaha na jihar, Damilola Adelodun ne ta bayyana hakan yayin da yake zantawa da manema labarai a Ilori.

Ta ce an tanadi tallafin sufurin ne don daukar nauyin dukkan daliban jami’ar gwamnatin tarayya da ke Ilori wato UNILORIN, da kuma na jami’ar jihar wato KWASU.

Damilola ta bayyana cewa an samar motocin bas bas din a makarantar Queen Elizabeth ta Taiwo, da kuma dandalin Soludero dake ofishin gidan waya, a Ilorin.

Kwamishinan ya bayyana cewa gwamnatin jihar ta himmatu wajen tallafawa harkokin ilimi ga al’ummarta.

Damilola ta shawarci daliban da suka dawo makaranta da su yi amfani da damar da suka samu wajen neman ilimi tare da  bin ka’idojin karatu.

Ali Muhammad Rabi’u