An Ceto Wani Mutum da Ya Fada Kududdufi a Kano

Daga Khadijah Aliyu, Kano

Hukumar kashe gobara ta ceto wani mutum mai shekaru 42, mai suna Sani Uba Kwaru, bayan ya faɗa cikin wani kududdufi a yankin Ɗan Agundi da ke cikin birnin Kano.

Jami’in Hulɗa da Jama’a na Hukumar, Kabiru Isah Jafar, ne ya bayyana hakan a cikin wata sanarwa da ya raba wa manema labarai ciki har da jaridar TNL Hausa, ya bayyana cewa, sun samu kiran neman agaji da misalin ƙarfe 1:00 na rana, bayan faruwar lamarin.

Ya ce nan take jami’ansu suka garzaya wurin da lamarin ya faru, inda suka gudanar da aikin ceton, tare da nasarar fito da mutumin daga cikin ruwan.

Rahoton ya bayyana cewa bayan an ceto mutumin ya fito a some, yayin da jami’an suka yi nasarar fito da shi daga kududdufin.

Hukumar ta yi kira ga mazauna yankin da sauran al’umma da su riƙa taka-tsantsan, musamman a kusa da kududdufin da sauran wuraren da ka iya jefa rayuwarsu cikin haɗari.

Fassara: Shafii Abubakar Wababe