Uwargidan Shugaban Majalisar Wakilai Ta Rabawa Dubannin Mata Atamfofi A Zaria

Uwargidan Shugaban majalisar wakilai Hajiya Fatima Abbas Tajuddeen ta raba dubunnan mata atamfofi a Zaria a wani yinkuri na taimakawa matan kasan nan.

An gudanarda Rabbi atamfofin ne a Zaria

Uwargidan Shugaban majalisar Hajiya Fatima Abbas Tajuddeen ta kuma baiwa kowace daga cikin matan naira dubu 2 domin samun saukin dinka atamfar a kokarinta na tallafawa mata a cikin al’uma.

Ta roki al’uma su cigaba da goyon baya da yi ma ‘yan majalisa addu’a domin samun nasarar samarda dokokin da zasu amfani rayukan jama’ar kasa.

Cikin waɗanda suka amfana akwai mata ‘yan jarida 10 daga Kaduna waɗanda suka yaba Wa uwargidan Shugaban majalisar Hajiya Fatima Abbas Tajuddeen bisa wannan yinkuri, sun sha alwashin mara mata baya wajen gudanarda da kyawawan shirye- shirye da zasu amfanar da jama’a kaitsaye.

Khadija Kubau