Uwargidan Shugaba Tinubu Ta Kai Ziyarar Ta’aziyya Ga Gwamnan Jigawa

Uwargidan shugaban kasa Sanata Oluremi Bola Ahmed Tinubu ta kai ziyarar ta’aziyya ga Gwamna Umar Namadi bisa rasuwar mahaifiyarsa da dansa.

Sanata Oluremi Tunubu wadda ta kai ziyarar ta’aziyyar a gidan gwamnati dake Dutse, tace ta isa jihar Jigawa ne domin yi wa Gwamnan da iyalansa da gwamnati da ma  alummar jihar ta’aziyyar rashin da aka yi.

Kazalika, ta yi addu’ar Allah ya ji kansu ya kuma bai wa gwamnan da iyalansa hakurin jure babban rashin.

A jawabin sa, Gwamna Umar Namadi ya yi godiya ga shugaban kasa Bola Ahmed Tinubu da kuma mai dakin sa bisa wannan karamci da kauna da kuma addu’o’in da suka gudanar ga mamatan.

Wakilinmu Usman Mohammed Zaria ya aiko mana da rahoton cewar, Senata Oluremi Tinubu ta samu rakiyar uwar gidan mataimakin shugaban kasa Hajiya Nana Kashim Shettima da mai dakin shugaban  majalisar wakilai ta kasa da dai sauransu.

Usman Mohammed Zaria