AZUMIN RAMADAN: An Koka da Hauhawar Farashin ‘Ya’yan Itace a Kano

Yayin da watan Ramadan ya shiga kwana na 6, masu lura da al’amura da dama na kokawa kan tsadar kayan marmari a Kano, wanda suke ganin wani muhimmin bangare ne na karin kumallo da ake yi a sahur da kuma lokacin buda baki.

Malam Bello Ibrahim da Abdulmajeed Baba, masu amfani da ’ya’yan itatuwa musamman a lokacin azumin Ramadan, a wata tattaunawa da suka yi da gidan rediyon Najeriya, sun bayyana rashin jin dadinsu da tashin gwauron zabi.

‘Ya’yan itatuwa na da matukar muhimmanci ga lafiyar mu a lokacin azumi, amma farashin na kara zama wanda ba zai iya jurewa ba,” in ji su.

Malam Ado Shehu, jami’in hulda da jama’a na kasuwar ‘ya’yan itacen Naibawa, ya danganta tsadar kayan marmari da tsadar sufuri.

Sai dai wasu masu sayar da ‘ya’yan itace a kasuwar sun yi nuni da karancin kayan masarufi a matsayin babban dalilin tashin farashin.

Tashin farashin ya haifar da damuwa a tsakanin masu lura da watan Ramadan, wadanda ke dogaro da ‘ya’yan itatuwa don kula da lafiyarsu da kuzarin su a tsawon yini.

A halin da ake ciki, masana harkokin kiwon lafiya na ci gaba da jaddada muhimmancin ‘ya’yan itatuwa wajen kiyaye daidaiton abinci a cikin watan Ramadan.

ABDULLAHI JALALUDDEEN KANO