Gidauniyar Abba Aliyu Ta Raba Kayan Solar Ga Al’umma A Kano

Gidauniyar Tallafawa Al’umma ta Abba Aliyu Gandu da ke jihar Kano ta bada horo sana’o’in hannu tare da raba tallafin Solar ga al’umma 500.

Wannan shi ne karo ba adadi da wannan gidauniyar ta shugaban hukumar Samarda Lantarki a yankunan Karkara Alhaji Abba Aliyu ta gudanar.

An raba kayan Solar guda 500 da kuma kudin fara sana’o’in hannu ga wadanda suka sami horo a karkashin wannan gidauniya.

Mataimakin Shugaban wannan gidauniya Suleiman Aliyu Abubakar ya bayyana cewa sama da shekara suna rana kyayyakin sun hada da solar domin kawo karshen matsalar wutar lantarki.

Suleiman Aliyu Abubakar wanda ya wakilci MD Abba Aliyu a wajen taron yace Kayayyakin sun hada da fanka da kayan caji da na haske a gidajen wadanda suka amfana da shirin.

A karshe ya hori wadanda suka amfana da wannan shirin kada su sayar da shi, kana su tabbatar sun yi amfani da shi yadda ya dace a wadannan kananan hukumomi uku da aka raba wannan tallafi a jihar Kano.