Gwamna Namadi Ya Kaddamar Da Shirin Noman Rani Na Zamani A Karamar Hukumar Maigatari

Gwamna Umar Namadi ya kaddamar da shirin noman rani ta hanyar amfani da rijiyoyin burtsatse a karamar hukumar Maigatari.

Hakan wani muhimmin mataki ne  na samar da abinci da zamanantar da noma a jihar Jigawa.

A cikin wata sanarwa da babban sakataren yada labarai na gwamnan Hamisu Mohammed Gumel ya rabawa gidan rediyon Najeriya ya ce, gwamnan ya bayyana cewa, aikin da ake amfani da shi ta hanyar amfani da hasken rana da kuma amfani da dabarun noman rani, yana yana taimakawa wajen yin noma a kowane lokaci na shekara tare da bunkasa tattalin arzikin manoma.

A cewarsa, shirin mai fadin hekta 10 wanda aka samar da rijiyoyin burtsatse na zamani guda hudu do  tallafa wa kananan manoma 80 kai tsaye, zai habbaka noman abinci tare da inganta rayuwar al’umma.

Gwamna Umar Namadi ya jaddada kudirin gwamnatinsa na aiwatar da manufofinta guda 12, inda ya jaddada fadada ayyukan ban ruwa da suka hada da madatsun ruwa da rijiyoyin burtsatse.

Ya ce nan ba da jimawa ba za a kammala irin wadannan ayyuka a kananan hukumomin Birniwa da Kafin Hausa.

Namadi ya ce kasafin kudi na 2025 ya hada da kara ayyukan noman noman rani a Gumel, da Sule Tankarkar, da Gagarawa.

Ya kuma bayyana irin rawar da shirin ke takawa wajen rage dogaro da nomar damina kadai, tare da inganta ayyukan noma, da samar da karin kudaden shiga ga manoma.

Usman Muhammad Zaria