Gwamna Umar Namadi Ya Kara Karfafa Gwiwar Matasa Domin Ci Gaban Jihar Jigawa

Gwamna Umar Namadi ya jaddada kudirin gwamnatin jihar na ci gaba da kaddamar da ayyuka masu ma’ana don ci gaban jihar Jigawa.

Ya bada wannan tabbacin ne a wani taron jin ra’ayoyin jama’a a  karamar hukumar Babura.

Malam Umar Namadi ya tunatar da matasa bukatar ganin sun kasance masu tarbiya da girmama na gaba da su, domin samun kyakkyawar rayuwa a gaba.

Shi ma da yake nasa jawabin, sakataren gwamnatin jihar, Malam Bala Ibrahim ya ce gwamnati mai ci a jihar ta bullo da shirin wayar da kan jama’a domin biyan bukatun jama’a da kuma sanya su cikin harkokin mulki.

Rediyon Najeriya ya ruwaito cewa, a yayin taron, sama da magoya bayan jam’iyyun  PDP, da NNPP da SDP dubu daya da dari biyu ne suka sauya sheka zuwa jam’iyyar  APC, bisa la’akari da nasarorin da gwamnatin mai ci ta yi a jihar.

Usman Muhammad Zaria