Mata Da Matasa Dari Hudu Suka Amfana Da Tallafi A Gandun Albasa Kano

An bukaci masu hannu da shuni da ‘yan kasuwa da ma daidaikun jama’a su rika tallafawa mata da matasa da dukkanin abin da Allah ya hore mu domin ganin sun iya dogara da kansu.

Kogunan Kasar Hausa Alhaji Aliyu Da’u Abubakar ne yayi wannan kiran a wajen bada tallafi ga mata da matasa fiye da dari hudu da Kungiyar Matasan Abban Gandun Albasa Kano ta shirya a Kano.

Kogunan Kasar Hausa ya bayyana cewa irin wannan tallafi zai taimaka matukar gaske wajen karfafa mata da matasa su tsaye da kafafun su.

Yayi bayanin cewa babu shakka wadannan matasan zasu dogara da kansu kana da daukar dawainiyar iyalansu da wannan tallafi.

Taron da aka gudanar a asabar ta karshen mako ya shedi yadda mata da matasa suka sami tallafi kudi daga Naira dubu goma zuwa ashirin dai dai da yadda Allah ya tsaga da rabon mutum.

Wannan tallafin da aka ba masu kananan sana’o’i zai taimaka matukar gaske a cewa Uban Taron kuma Kogunan Kasar Hausa Alhaji Aliyu Da’u Abubakar lokacin da yake magana da Radiyo Nijeriya Kaduna.

Daga cikin wadanda suka amfani da wannan tallafin wacce tayi magana a madadin dukkanin wadanda suka amfana Zainab Adamu tayi godiya ga Kungiyar Matasan Matasan Abban Gandun Albashi da wannan jinkai da ya musu.
Cov/Zainab Adamu