Gwamnatin Kano Ta Jaddada Kudirinta Na Bunkasa Kiwon Dabbobi Da Noma Na Zamani

Gwamnatin jihar Kano ta jaddada aniyar ta na inganta kiwon dabbobi da inganta ayyukan noma na zamani a fadin jihar.

Kwamishinan noma Dakta Danjuma Mahmud ne ya bayyana haka a yayin taron bita na kwanaki biyu ga ma’aikatan aikin gona da aka gudanar a Kadawa da ke karamar hukumar Garun Malam.

Dokta Danjuma Mahmud, wanda babban sakatare a ma’aikatar Dr Bashir Sunusi ya wakilta ya ce an shirya taron bitar ne domin wadata ma’aikatan noma dabarun zamani da nufin bunkasa noma da kiyo dabbobi da kuma bunkasa amfanin gona.

Ya ce ma’aikatan za su gudanar da kwakkwaran horo kan kiwon dabbobi domin ba da damar kiwo na nau’in da za su iya samar da madara da nama mai yawa domin amfanin dan Adam.

Ya kuma jaddada cewa gwamnatin Gwamna Abba Kabir Yusuf a kwanakin baya ta dauki daruruwan ma’aikatan aikin gona a matsayin dabarunta na kawo sauyi ga harkar noma da tabbatar da samar da abinci a jihar.

A nasa jawabin wani kwararre a fannin noma Malam Gambo Isa ya bayyana cewa horon zai kara habaka kwazon ma’aikatan da ake sa ran za su mika ilimin da sana’o’in da suka samu ga manoma tun daga tushe.

Ya kuma bukaci mahalarta taron da su tabbatar da cewa alfanun da aka samu horon ya ragu ga manoman yankin domin cimma manufofin da aka sanya a gaba.

Wasu daga cikin mahalarta taron sun yi alkawarin yin amfani da ilimin da aka samu yadda ya kamata, musamman wajen inganta kiwon dabbobi da amfanin gona.

Horarwar ta kwanaki biyu ta tattaro mahalarta daga dukkan kananan hukumomi 44 na jihar Kano.

ABDULLAHI JALALUDDEEN KANO