Labarai
Gwamnatin Tarayya Ta Kaddamar Da Shirin Bunkasa Harkar Noma A Yobe
![](https://radionigeriakaduna.gov.ng/hausa/wp-content/uploads/2024/07/IMG-20240720-WA0052.jpg)
Shugaban kasa, Bola Ahmed Tinubu ya kaddamar da shirin karfafa aikin noma a jihar Yobe.
Shirin wanda ya hada da samar da injinan noma da kayan aiki, wani shiri ne na inganta samar da abinci, da samar da ayyukan yi, da habaka tattalin arzikin Najeriya.
Shugaba Tinubu wanda mataimakinsa Kashim Shettima ya wakilta, ya bayyana muhimmiyar rawar da noma ke takawa wajen ci gaban kasa, inda ya ce, “Abinci shi ne ginshikin kwanciyar hankali a rayuwar kowace al’umma”. Ya jaddada bukatar tallafawa tare da karfafawa manoma gwiwa don cimma manyan manufofin gwamnati.
Shirin wanda ke da nufin zamanantar da fannin noma, na da bada tallafi na musamman ga jihar Yobe da suka hada dasamar da kananan rijiyoyin ban ruwa, famfuna masu amfani da hasken rana, sinadaran noma, injinan janareta, da takin zamani. An yi hakan ne domin saukaka noman rani, da rage dogaro da noman damina.
Shugaba Tinubu ya kuma yi tsokaci kan matsalolin tsaro, inda ya ba da tabbacin daukar matakan tabbatar yin noma cikin kwanciyar hankali a fadin kasar nan.
Mataimakin shugaban Shettima wanda ya ziyarci Sarkin Damaturu, ya mika sakon jinjinawa daga shugaba Tinubu kan irin gudunmawar da al’ummar jihar Yobe ke bayarwa, sannan ya yaba da nasarorin da Gwamna Mai Mala Buni ya samu a harkar noma.
A nasa jawabin, Gwamna Buni ya jaddada goyon bayan jihar ga gwamnatin Tinubu tare da bayyana wasu tsare-tsare na farfado da harkar noma da suka hada da hadin gwiwa da kungiyoyi irin su gidauniyar Bill and Melinda Gates. Ya kuma bayyana kafa cibiyoyin raya dabbobi da farfado da shirin noman rani na Lava.
Taron kaddamar da aikin ya kunshi rarraba kayayyakin amfanin gona iri-iri da suka hada da taraktoci na Zoom Lion 100, motocin IMC Double Cabin 10, da famfunan ban ruwa masu amfani da hasken rana guda 4,202 da dai sauransu.
Wadanda suka halarci taron sun hada da Gwamna Hope Uzodinma na jihar Imo, mataimakan shugabannin jam’iyyar APC na kasa Hon. Ali Bukar Dalori da Cif Emma Eneukwu, Sanata Ahmed Lawan, da sauran manyan baki.
Wannan shiri dai ya nuna wani gagarumin ci gaba a kokarin Najeriya na samun wadatar abinci da habaka tattalin arziki ta hanyar noma.
Daga Bello Wakili
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Fasaha7 days ago
Kungiyar Ecowas Za Ta Tallafa Ma Mabukata 14,694 A Jihohin Katsina Da Sokoto
-
Labarai6 days ago
APC Ta Lashe Dukkan Kujerun Kansiloli Da Kansiloli A Kebbi