Labarai
Jihar Jigawa Ta Kaddamar Da Kwamitin Sasanci Tsakanin Manoma Da Makiyaya
![](https://radionigeriakaduna.gov.ng/hausa/wp-content/uploads/2024/07/IMG-20240709-WA0022.jpg)
Sakataren gwamnatin jihar Jigawa, Malam Bala Ibrahim ya kaddamar da kwamitocin zaman lafiya da sulhu domin tabbatar da zaman lafiya tsakanin manoma da makiyaya a Janwawa, da Bagadaza a kananan hukumomin Birnin Kudu da Gwaram.
Da yake jawabi a wajen kaddamar da kwamitocin, sakataren gwamnatin ya ce kafa kwamitocin na nuni da aniyar gwamnatin Umar Namadi na samar da zaman lafiya da kwanciyar hankali a tsakanin al’ummarta.
Bala Ibrahim ya lissafo wasu sharuddan da kwamitocin suka gindaya da suka hada da tabbatar da gaskiya da adalci wajen rabon filayen noma, labi da wuraren kiwo.
Ya kara da cewa aikin kwamitin ya hada da fadakar da manoma da makiyaya muhimmancin su ga al’umma da zaman lafiya.
Hakazalika, kwamitocin za su karfafa gwiwar bangarorin da ke rikici da juna don warware sabanin da ke tsakaninsu cikin ruwan sanyi.
Malam Bala Ibrahim ya ci gaba da bayyana ayyukan kwamitin, da suka hada da tabbatar da cewa manoma ba su kutsa kai ga duk wata hanya da za ta kai ga rafi ko kogi don shayar da dabbobi.
Da yake mayar da martani a madadin kwamitocin biyu, shugaban kwamitin Janwawa na gundumar Sundumina wanda kuma shi ne jakadan Sulhu na Dutse, Alhaji Ado Ahmed ya nuna jin dadinsa bisa nadin da aka masa tare da yin alkawarin bayar da gudunmawarsu duba da amincewarsa da aka kusi bisa hakan.
Rediyon Najeriya ya ruwaito cewa, mambobin kwamitocin sun hada da Alhaji Ado Ahmed,Fulani Shehu, Sale Babba, Musa Isah Bagadaza,Ya’u Haruna da Musa Maijama’a.
Sauran sun hada da Alhaji Abdu Salihawa, Maikudi Shanu, Adamu Janwawa, Amadu Jangari, wakilan ‘yan sanda, sojoji, jami’an tsaron farin kaya na DSS da NSCDC da dai sauransu.
Usman Muhammad Zaria
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Fasaha7 days ago
Kungiyar Ecowas Za Ta Tallafa Ma Mabukata 14,694 A Jihohin Katsina Da Sokoto