Labarai
Dan Majalisa Ya Bukaci A Gaggauta Kafa Cibiyar Lafiya Ta Tarayya A Malam Madori
![](https://radionigeriakaduna.gov.ng/hausa/wp-content/uploads/2024/07/IMG-20240710-WA0010.jpg)
Kudirin dokar kafa cibiyar kula da lafiya ta tarayya Malam Madori, wato Medical Centre a jihar Jigawa ya tsallake karatu na biyu a majalisar wakilai.
Dan majalisar tarayya mai wakiltar mazabar Malam Madori/Kaugama Alhaji Abubakar Makki Yalleman ne ya dauki nauyin kudirin mai taken “Kudirin doka don gyara Dokar Cibiyoyin Kiwon Lafiya na Tarayya ta 2022.
Dan majalisar ya ce jihar Jigawa mai yawan al’umma sama da miliyan 5 ba ta da cibiyar kula da lafiya ta tarayya, wanda hakan ya tilastawa mazauna jihar yin tafiya mai nisa domin samun ingantaccen kiwon lafiya.
Ya tabbatar da cewa idan aka kafa Cibiyar Kiwon Lafiya ta Tarayya ta Malam Madori, za ta magance matsalar kalubalen da ake fuskanta a fannin kiwon lafiya a yankin, tare da samaun damar kulawar kwararru.
Alhaji Yalleman, ya bayyana cewa mazabar Malam Madori-Kaugama ta tarayya ta yi iyaka da mazabu kusan biyar a jihar Jigawa, an kuma samar da tituna da za su ka fa kowane yanki na jihar, amma sai al’ummar yankin sun je Nguru da je jihar Yobe domin samun kiwon lafiya.
Bayan muhawara an amince da kudirin kuma an zartar da shi a karatu na biyu a zaman da mataimakin shugaban majalisar Mista Benjamin Kalu ya jagoranta.
Daga Salihu Tsibiri
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Fasaha7 days ago
Kungiyar Ecowas Za Ta Tallafa Ma Mabukata 14,694 A Jihohin Katsina Da Sokoto