Labarai
Za’a Fara Wasannin Olympics A Faransa
![](https://radionigeriakaduna.gov.ng/hausa/wp-content/uploads/2024/07/IMG-20240724-WA0010.jpg)
Yayin da ake dab da fara gasar wasannin motsa jiki ta bazara wato Olympic, ta shekarar 2024 a birnin Paris na ƙasar Faransa, al’amura na ci gaba da kan kama yadda ya kamata a matakai daban-daban, inda tuni aka gudanar da wasannin sada zumunci tsakanin ƙasashe.
Duk da cewar wasan za’a ayyana buɗe shi a jibi Juma’a 26, ga watan Yulin da muke ciki a hukumance, hakan ba zai hana karsashin magoya baya da ‘yan kallo ba , wajen cigaba da kallon wasanni masu ƙayatarwa biyo bayan fara wasannin.
A yau Laraba ne ake sa ran fara gudanar da wasan ƙwallon ƙafa da ƙwallon Zari Ruga ta ‘ƴan wasa 7 wato Rugby 7, Inda tuni ƴan wasa da ƙungiyoyin su, sun gama hallara tun a jiya.
A matsayin sharar fage za’a gudanar da wasan zari-ruga ta ƴan wasa 7, a yau ɗin, tsakanin tawagar ƙasashen da suka halarci gasar ta bana, kuma za a fara ne tun da misalin ƙarfe 3:30 na yammaci har zuwa ƙarfe 10 na daren yau, kuma duk wasannin za su gudana ne a filin wasa na Stede De France, kazalika a gobe Alhamis sauran tawagar za su fara fafata wa, tun daga misalin ƙarfe 2 na rana har zuwa ƙarfe 5 na yamma a zagayen farko, yayin da a zagaye na biyu kuma wasu jerin tawagar za su fafata tun daga misalin ƙarfe 8 na dare har zuwa ƙarfe 11 na dare.
A jibi Juma’a ne dai, za’a gudanar da bikin buɗe gasar inda ake sa ran mutane dubu ɗari 5 za su halarci kogin Sins da ya ratsa ta tsakiyar birnin Paris, kuma ƙasashe sama da 200 ne za su halarci wasannin.
Filayen da za a gudanar da ɗaukacin wasannin sun haɗa da Bercy arena, da porte de la chapelle arena da Paris La Defense arena, sai Aquatics centre da Stede de France da North Paris Arena da kuma Le Bourget sport climbing venue.
A wasannin na yau akwai ƙasashen Afrka guda 3 da zasu fafata a kwallon ƙafa 3 inda ake fatan za su bi sahnun Najeriya da Ghana wajen lashe lambobin zinari.
Bayanai sun ce an aike da jami’an tsaro sama da dubu ɗaya don bayar da tsaro a filin wasan da za’a kara tsakanin Mali da Isra’ila don tabbatar da tsaro yadda ya dace, kasancewar sa ɗaya daga cikin wasanni mafi ɗaukar hankali a yau.
Wannan shine karo na farko da Faransa ke ɗaukar nauyin gasar cikin shekaru 100 da suka gabata, lamarin da ke kara wa gasar armashi.
RFI
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Fasaha7 days ago
Kungiyar Ecowas Za Ta Tallafa Ma Mabukata 14,694 A Jihohin Katsina Da Sokoto