Ilimi
Shugaba Tinubu Ya Kaddamar Da Shirin Baiwa Dalibai Rance Na Naira Biliyan 33
![](https://radionigeriakaduna.gov.ng/hausa/wp-content/uploads/2024/07/IMG-20240717-WA0091.jpg)
Shugaban kasa Bola Ahmed Tinubu yace ya cika daya daga cikin alkawarukan da yayi wa ‘yan Najeriya na kaddamar da shirin baiwa dalibai rance.
Shugaban kasan ya sanar da haka ne sa’ilin da yake kaddamar da shirin a Fadar Shugaban kasa dake Abuja.
Tun sa’ilin da yake yakin neman zabe shugaban kasan nan, Bola Ahmed Tinubu yayi alkawarin cewa zai yi kokari wajen ganin cl ‘yan kasa sun samu daman yin karatu musamman ‘ya’yan marasa karfi.
A dalilin haka ne wannan gwamnatin ta samar da shirin baiwa dalibai rance domin su samu damar yin karatu na zamani.
Da yake bayani yayin kaddamar da shirin shugaba Tinubu ya jaddada mahimmanci ilimi ga al’umma, inda ya ce yana da matukar amfani wajen kawar da talauci a tsakanin al’umma, yana kuma sa hangen nesa da samar da cigaba da kuma inganta tsaro.
Shuagaban kasan yace gwamnati ta dukufa wajen zuba jari a harkar ilimi saboda yana taimakawa dan adam kyakkyawan buri da kuma samun damanmaki a rayuwa.
Ya kuma jaddada matsayin wannan gwamnatin na kyamar halin ko inkula a batun ilimi saboda sun san mahimmancinsa a rayuwar dan adam.
Yayi amannar cewa duk al’ummar da bata da wadataccen ilimi ko ta’addanci ba zata iya yaka ba bare samun wani cigaba mai ma’ana.
Shugaban hukumar bada rancen ga dalibai Akintunde Sawyer yace shirin zai cigaba da fadada ta yadda zai baiwa daliban kasar nan karin dama domin su yi karatu cikin sauki.
Ya kuma sanar da cewa yanzu haka sun bada naira biliyan talatin da uku ga dalibai dubu dari da goma a makarantun gaba da sakandari daban daban na fadin kasar nan.
A karshen taron shugaba Tinubu ya mika cakin kudi ga wasu dalibai wadanda suka wakilci shiyoyi shida na fadin kasar nan, yayin da kuma ya sake mika wasu cakin kudin ga wasu shugabannin makarantun gaba da sakandare a matsayin kudin makaranta na diliban da suka bukaci a biya musu kudin karatu wadanda suka haura dubu dari.
bello Wakili
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Labarai6 days ago
APC Ta Lashe Dukkan Kujerun Kansiloli Da Kansiloli A Kebbi