Labarai
Shugaba Tinubu Ya Dawo Daga Taron Kungiyar Tarayyar Afrika
![](https://radionigeriakaduna.gov.ng/hausa/wp-content/uploads/2024/07/IMG-20240722-WA0005.jpg)
Shugaba Bola Tinubu ya dawo Abuja daga birnin Accra na kasar Ghana, bayan halartar taron koli na tsakiyar shekara na kungiyar tarayyar Afrika (AU) karo na 6.
A ziyarar ta kwanaki biyu da ya kai kasar Ghana, shugaba Tinubu ya halarci taron a matsayinsa na shugaban hukumar gudanarwar kungiyar raya tattalin arzikin kasashen yammacin Afirka ECOWAS.
A cikin jawabinsa, shugaba Tinubu ya yi cikakken bayani game da ci gaban da ECOWAS ta samu a fannoni daban-daban da suka hada da yaki da ta’addanci, hada-hadar tattalin arziki, ayyukan jin kai, ilimi, kiwon lafiya, makamashi, ma’adanai, da noma.
Ya kuma jaddada cewa, an samar da rundunar tsaro ta ko-ta-kwana don yaki da ta’addanci, da inganta harkokin zabe da gudanar da harkokin mulki a tsakanin kasashe mambobin kungiyar,da yin hada hadar kasuwanci marar shinge a tsakanin mambobin kungiyar da sauransu.
Bugu da kari, ya yi nuni da ayyukan jin kai na ECOWAS, kamar Dala miliyan 9 da aka ware domin tallafa wa wadanda abin ya shafa da kuma taimakawa kasashe mambobin a kokarinsu na yaki da ta’addanci.
Duk da wadannan nasarorin, shugaba Tinubu ya bayyana kalubalen da kungiyar ke fuskanta, da suka hada da hamayyar siyasa, ta’addanci, karancin abinci, sauyin yanayi, da kuma bata gari.
Ya kuma jaddada aniyar ECOWAS na wanzar da hadin kai, tattaunawa da kasashe mambobin kungiyar, da kuma gudanar da wani babban taro na musamman domin tattauna makomar al’umma.
Daga Bello Wakili
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Labarai6 days ago
APC Ta Lashe Dukkan Kujerun Kansiloli Da Kansiloli A Kebbi