Majalisar Dokokin Jihar Kano Ta Gargadi Kananan Hukumomi Game Da Tara Kudaden Shiga

Majalisar dokokin jihar Kano ta bukaci mahukuntan kananan hukumomin jihar 44 da su kara himma wajen samar da kudaden shiga, inda ta yi gargadin cewa za su iya fuskantar rage kasafin kudin shekara mai zuwa idan suka kasa yin hakan.

Hakan ya biyo bayan tattaunawa ne a wani rahoto da aka gabatar kan asusun gwamnati da aka tantance dangane da kananan hukumomi 44 na wannan shekara ta 2018 da dan majalisa mai wakiltar mazabar Fagge Tukur Muhammad ya gabatar a zaman majalisar, wanda shugaban majalisar Alhaji Jibril Isma’il Falgore ya jagoranta.

Mamba mai wakiltar Ungoggo Aminu Saa’du ya nuna damuwarsa kan yadda ake tafiyar da harkokin kudaden gwamnati. “ba tare da kwatankwacin komowa ba baya ga yawan dogaro da kason da gwamnatin tarayya ta ke bayarwa”

Ya bayyana cewa, kasancewar kasafin kudin shekara na sama da biliyan 60 daga kananan hukumomin da ke da kasa da rabin kudaden shiga, akwai bukatar majalisar ta samar da ingantaccen tsarin da zai sa su tashi zuwa akalla kashi 40-60 a duk shekara.

Ya yi nuni da cewa akwai dimbin albarkatun kasa da za a yi amfani da su da kuma samar da kudaden shiga amma sun kasa yin amfani da su.

“Saboda haka gidan ya kamata ya kafa doka mai tsauri da kuma bin hanyoyin da za su tsaya tsayin daka don cimma nasaara”

A karo na biyu dan majalisar mai wakiltar Rimin Gado Muhammad Bello Butu Butu ya jaddada bukatar kwamitin kasafin ya duba yadda kasafin kudin ke gudana.

KHADIJAH ALIYU/Wababe