Labarai
Gwamnatin Kano Za Ta Samar Da Kananan Jiragen Ruwa A Kananan Hukumomi 3
![](https://radionigeriakaduna.gov.ng/hausa/wp-content/uploads/2024/07/IMG-20240722-WA0009.jpg)
A kokarinta na dakile afkuwar hadurran kwale-kwale da ake yawan samu tare da asarar rayuka da dama, gwamnatin jihar Kano ta jaddada kudirinta na samar da sabbin jiragen ruwa ga kananan hukumomi uku da wannan lamari ya fi shafa.
Kwamishinan Sufuri na jihar Injiniya Muhammad Diggol ya bayyana haka a wata ziyarar da ya kai kananan hukumomin Bagwai, Garko, da Tudun Wada.
Injiniya Muhammad Diggol ya bayyana shirin a matsayin wani bangare na kokarin da Gwamnan Jihar Kano Alhaji Abba Kabir Yusuf ke yi na inganta harkar sufuri da kuma bunkasa zamantakewa da tattalin arzikin al’umma a wadannan yankuna.
Kwamishinan wanda ya samu wakilcin mai ba da shawara na musamman kan harkokin sufuri, Alhaji Danladi Idris Karfi, ya bayyana cewa gwamnatin jihar ta sanya wannan kudiri a cikin kasafin kudin bana domin samun nasarar shirin.
A wata sanarwa da jami’in yada labarai na ma’aikatar Ibrahim Adamu Kofar Nassarawa ya rabawa manema labarai, tawagar ta ziyarci Badau da ke Bagwai, da Kafin Ciri da ke Garko, da kuma Maraku a karamar hukumar Tudun Wada.
Ya bukaci al’ummar da ke wadannan yankuna da su marawa gwamnati mai ci baya domin ciyar da yankunan gaba.
A nasu jawabin, shugabannin riko na kananan hukumomin Bagwai, Alhaji Aliyu Bello Gadanya, da na Garko, Malam Gambo Isa, da kuma na Tudun Wada, Malam Umar Isa Rugu-Rugu, sun bayyana matukar farin cikinsu bisa wannan ziyarar.
Sun yi alkawarin kiyaye duk wata doka da gwamnatin jihar ta shimfida.
Sun tabbatar da bada cikakken goyon bayansu da haɗin kai don cimma manufofin da aka tsara.
Daga Khadijah Aliyu
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Fasaha7 days ago
Kungiyar Ecowas Za Ta Tallafa Ma Mabukata 14,694 A Jihohin Katsina Da Sokoto