Labarai
Gwamnatin Borno Ta Gargadi Daliban Sakandare Game Wuce Gona Da Iri
![](https://radionigeriakaduna.gov.ng/hausa/wp-content/uploads/2024/07/IMG-20240723-WA0027-2.jpg)
Gwamnatin jihar Borno ta gargadi masu makarantu masu zaman kansu da dukkan shugabannin sakandire da su ja kunnen daliban aji 6 da suka kammala rubuta jarabawarsu ta karshe game da aikata ayyukan da ba su dace ba da sunan taya juna murna.
Kwamishinan ilimi, kimiya, fasaha da kirkire-kirkire, Alhaji Lawan Wakilbe ya yi wannan gargadin a wajen wani taro da kungiyar shugabannin makarantun sakandire ANCOPSS, masu makarantu masu zaman kansu, sakatarorin ilimi da sauran manyan jami’an ma’aikatar.
Ya nuna matukar damuwarsa kan irin munanan dabi’u da daliban makarantun sakandaren da suka kammala karatu ke yi, musamman a karshen jarabawarsu.
Kwamishinan ya yi karin haske kan wasu ayyukan da ake tafkawa da suka hada da lalata makarantu da kadarorin gwamnati da daliban ke yi, da rubuce-rubucen da ba su dace ba a kan tufafinsu, da shagulgulan da ba su dace ba a wurare daban daban a fadin jihar.
“Ina muku gargadin cewa ddukan makarantu masu zaman kansu da aka samu sun saba wa wadannan ka’idoji, za su fuskanci mummunan hukunci, ciki har da yiwuwar rufe makarantun” Inji Wakilbe.
Sakataren Ilimi na Birnin Maiduguri Dakta Mala Kulloma, da wakilin shugabannin makarantun Sakandare Abba Ali Ladan, da na makarantu masu zaman kansu, Babagana Alkali, sun bayyana kudurinsu na ganin cewa babu wani dalibin da ya kammala karatunsa na karshe da ya shiga ayyukan rashin da’a.
Sun sanar da cewa duk dalibin da aka samu da aikata ba dai-dai ba, zai fuskanci mummunan hukunci, ciki har da hana shi sakamakonsa.
Hakazalika, Kwamishinan Ilimi, Lawan Wakilbe, ya bukaci goyon baya da hadin gwiwar hukumomin tsaro domin ganin an gudanar da bikin yaye daliban cikin lumana.
A ziyarar da ya kai wa kwamishinan ‘yan sandan jihar CP Mohammed Yusuf, kwamishinan ya yi kira da a ci gaba da sanya ido a dukkan makarantun gwamnati da na sakandire masu zaman kansu a tsawon wannan mako da ake shagulgulan kammalakaratu.
Kwamishinan ‘yan sandan wanda mataimakin kwamishina Mohammed Bello ya wakilta, ya tabbatar da cewa an samar da matakan da suka dace don hana tabarbarewar doka da oda.
Hakazalika kwamishinan ilimin ya kai ziyara hedikwatar hukumar tsaro ta farin kaya wato NSCDC.
Daga Dauda Iliya
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Labarai6 days ago
APC Ta Lashe Dukkan Kujerun Kansiloli Da Kansiloli A Kebbi